ثابت مصطفى يكتب : مين فى الحياة مرتاح؟!

ياما فى الحياة بنشوف

اصبح مالينا الخوف

وسط الطريق ملهوف

بتدور على حلمك

ياما كتير بيتوه

جنبك اهو بتشوف

 يبعد بعيد عنك

حالتك أهى بتسوء

قدر نصيب وظروف

 نرجع مكان كنا

م الوهم امته تفوق

مين يصعب عليه حالنا

تقفل علينا هموم بالضبة والمفتاح

زيك كتير غيرك مين فى الحياة مرتاح

تخبط بعزم إيديك

ياعالم ياناس مخنوق

مر الحياه بندوق القفل من بره

خبط بعزم ايديك

واصرخ بعزم مافيك

صوتك مهوش طالع

محدش اكيد سامع 

جاتيمه وكاتمه على نفسك

ادينا بنعافر

رغم الحياة ضاقت

الوقعه تكسرنا

مين يصعب عليه حالنا

من تانى امته نقوم

تقفل علينا هموم بالضبة والمفتاح

زيك كتير غيرك

مين فى الحياة نصفك

زيك كتير غيرك مين فى الحياة ناصفك 

مين فى الحياة مرتاح

ده حتى اللى من دمك

عشمان يشيل همك بطل كده تعشم

مش يمكن بيتعمد

شايفك بتتوجع

بطل كده تعشم

مين يحس بيك ويشوف

قافلة علينا هموم القفل من برة

كان ساكن كتير حواليك

كان ساكن كتير جنبك

للكل فاتح بيت لا قلت انا مليت

ولا عمره اتقفل دارنا

على بعض ليه بنلوم 

ما يمكن اكون معذور

مش يمكن اكون معذور

صعبه الحياه مرة

تقفل علينا هموم القفل من برة

زيك كتير غيرك مين فى الحياة مرتاح