الرئيسية صحافة المواطن

‏مها صلاح الدين تكتب: معركة كل المصريين

علم مصر

الجمعة، 05 يناير 2018 09:00 م

حاربوا يا مصريين لاجل بلدكم مصر

‏هو احنا ليه عاملين زى اللى اخد ميت الم على وشه على سهوه؟؟!!!

‏لسه ما فهمناش؟

‏لسه ما ادركناش؟

‏هنتفطم امتى طيب ؟

‏ما خدناش درس من ساعة السجادة الحمرا؟

‏طيب العجلة بتاعت الريس والساعه؟؟

‏ولا التفريعه عن قناة السويس الجديد؟؟

‏طب عن ليه بنسلح الجيش؟؟

‏ولا فى مشروع العاصمة الادارية هو احنا لاقيين ناكل؟؟

‏ولا صفقة القرن اللى بعنا فيها سينا ؟؟؟

‏طب الـ 1400 مشروع اللى اتقال عليهم

‏ " فنكوش"

‏ثم "عم صلاح " المسلم قاهر الارهابى الذى يقتل المسيحيين والذى يتم تشويهه الان !!!

‏

‏هنفهم امتى اعلام اهل الشر ؟ واصحاب الصوت العالى اللى حكايتهم ببساطة "ابجنى تجدني" حاضر لاسقاط الروح المعنوية وبث الفتن والاكاذيب وزعزعة الثقة فى كل ثوابت مصر من اول الرئيس للمؤسسات للرموز !!!

‏هنعرف امتى ان دى اهم اداه ادوات الحرب الجديدة لاسقاط الدول؟

‏الريس من غير مايقول ويسمى اهل الشر فضحهم والاحداث والمواقف اظهرتهم .. ان كانت قطر بتمويلها للارهاب ولا بـ "الجزيرة "

‏السودان كانت ولا تركيا ولا الغرب ...

‏هنفهم امتي؟؟

‏طيب ماتيجوا نجرب نشيل الفيشة

‏" نبطل نبقى بغبغانات نبطل نعيد ونزيد فى اعلامهم وكلامهم ومنشوراتهم ...

‏ببساطه هو دا اللى بنقول عليه تجفيف منابعهم لجزء هو الاهم "اعلامهم"

‏مذيعينهم وبرامجهم وحسابتهم على مواقع التواصل الاجتماعى ...

‏تصدقوا ان لسه فى ناس بتشاهد قناة الجزيرة وبتعيد نشر اخبارها ! نعم بتكذبها وتسب وتلعن فيها .. لكن فى النهاية اعلام الجزيرة بيحقق هدف الانتشار للاسف !!!

‏الريس قال ان قريبا هيبقى فيه قناة اخبارية جديدة ودا هيبقى فى خانة الاعلام المضاد دائما ننتظر الحلول الرزينه منه

‏ليه ما ناخدش ريسنا قدوه ..بسياسته الحصيفه كمنهج ...!؟!

‏ عمركوا سمعتوه بيرد على أى حقير بيطاول؟؟

‏ولا اشاعات بتتردد ؟

‏دا حتى سماهم "اهل الشر " ولما غضب قال لهم احنا بنتعامل بشرف فى زمن عز فيه الشرف" وقال "مصر لأ "

‏الحل سريع التأثير الذى سيختفى معه مشاكل كثيرة فى مناحى حياتنا اليومية ..." المقاطعة "

‏ثقافة نحتاج إلى تعلُمها ... منهج غير مكتوب يُطبقه الفرد ثم المجموعه ثم المجاميع إلى ان تصبح عادة ينفذها المواطن المصرى دون حاجة لنداء أو مناشده أو شحذ همم ... "المقاطعه" الحل السحرى للقضاء على أى فساد فى مجتمعنا

‏قاطعوا اعلام اهل الشر ... حتى ينزوى ويحرق نفسه بنفسه حتى ييأس فيختفى ...

‏قاطعوا التجار الجشعين فى الاسواق ...حتى تبور بضاعتهم وتفسد ..

‏قاطعوا كل من يريد احداث بلبلة فى بلدنا .. من يُكذب ايجابياتنا .. من ينكر علينا تقدم مصر ... من يحول الامل فى غد افضل إلى تشاؤم ويأس ...

‏انها معركتكم فحاربوا يا اهل مصر كل من يريد اسقاط مصر ...