"اتعلمت فى 2018".. هكذا ترك ذلك العام بحلوه ومره أثره فى نفوس المصريين

أتعلمت أيه فى 2018

كتب هيثم سلامة

السبت، 27 أكتوبر 2018 10:54 م

بحلوه ومرها مرت عام من عمرنا، دخلنا فى تجارب وخرجنا منها سواء خاسرين أو كاسبين، ففى كلا الحالتين تعلمنا الكثير، ويسرد رواد تويترعبرهاشتاج "اتعلمت فى 2018" خبراتهم الجديدة فى الحياة من خلال تجاربهم إن حملت بعضها بعض الصعاب والألم.

بلاش نبص لبعض.. ونكتفى بالى ربنا كاتب هولنا

يحكى أحمد، تجربته خلال العام الحالى 2018، وكيف مر بها وما الذى تعلمه، قائلاً:" تعلمت إن الحياة ارزاق فى ناس رزقها فلوس وناس رزقها فى صحة وفى رزق فى ذكاء وتفوق دراسى وفى رزق فى أهل يسندوك ميتعوضوش ورزق في ذريه صالحه وناس رزقها في خفه دمها وناس رزقها في شكل حلو فبلاش نبُص لحد ونكتفى بالى ربنا كاتبهولنا".

الصبر وقت الضيق

ويرى آخر يدعى سكران تويتر، والتى ربما مر بتجربة قاسية خلال العام الماضى، فقال:"اتعلمت الصبر وقت الضيق .. الأمل فى عز الخنقه .. إن مهما قست الحياة مسرها تروق وتحله .. أن أنت سند نفسك محدش هيسندك".

وأضاف:" عارف يعني ايه سنة كاملة معدل ضحكتك 5%..والاكتئاب و الحزن 100%، عارف يعنى أيه تفارق اكتر شخص كنت خايف عليه .. عارف يعنى أيه أوضة ضلمة وبتتخيل فى سقف الأوضه شريط ضحكتك ..عارف يعنى أيه كل يوم تصحا على ضحكه وفجأة تختفي ..بس الحمد لله".

شخص يملى حياتك يكفيك عن العالم

ورأت روز، عبر تغريدتها :" إن شخص واحد ممكن يملى حياتك ويكفي عن العالم يبقى صاحب وأخ وحبيب دا نعمه مينفعش افرط فيه"، عن النقيض تماما قالت نيللى :"تقريبا كانت أسود سنه فى حياتى أكتر حاجه اتعلمتها إن مفيش أى حد مهما كان مين ما كان هيدوم فى حياتك و مفيش حد يتوثق فيه نهائى".

الأهل والسوشيال ميديا

ومن جانب آخر غرد محمد مختار، قائلاً:" إن مش الأهل هما اللي عايشين معاك فى الواقع بس أنت ممكن تتعرف على ناس على السوشيال ميديا يبقا هما أهلك وكل حاجة ليك في الدنيا".

إن حب البلد ما يتقدرش بالمال

وغرد آخر يدعى مقاتل مصرى ، قائلاً :"إن حب البلد ما يتقدرش بمال وان مال الدنيا كله ما يجيش فى شهيد واحد من شهداء الجيش أو الشرطة أو حتى إنسان كان رايح يصلي فى كنيسة ولا فى مسجد ويتقتل برصاص الغدر والخسة".