مصطفى خاطر: أتثبت فى الشارع والحرامى أكلنى "رز باللبن"

روى الفنان مصطفى خاطر، تفاصيل تعرضه لمحاولة سرقة فى الشارع، قائلاً: "أنا أتثبت فى الشارع زمان، وطلع عليا حرامى وقال لى طلع اللى معاك، وفتح المطواة، وكان معايا واحد صاحبى عمال يضحك وأنا ضحكت عشان إحنا مكنش معانا حاجة خالص".

وأضاف، خلال حواره مع الفنان أشرف عبد الباقى، ببرنامج "قهوة أشرف" المذاع على قناة "الحياة": "فى الآخر صعبنا على الحرامى وأعطانى رز باللبن وصاحبى خد علبة سجائر".

كما روى الفنان مصطفى خاطر، تفاصيل أول علقة تلقاها عندما كان طالبا فى المدرسة، وقال: "أبويا دخلنى مدرسة جديدة وفى الفسحة لقيت الطلبة كلهم واقفين عند السور ومحدش بيلعب فى حوش المدرسة، وأول لما دخلت الحوش انضربت علقة موت، وبعد كده فهمت إن دى كانت لعبة".

وواصل: "تعرفت على العيال الصيع عشان محدش يثبتنى فى المدرسة، وكنت بجيب 3 سجائر بربع جنيه عشان أرشيهم وأكون معاهم ومحدش يكلمنى".