تامر حسين لـ"عمرو دياب": كم أنت عظيم ومتواضع وحقانى ومخلص للناس

أعرب الشاعر الغنائى الشاب تامر حسين عن سعادته بالعمل مع الميجا ستار عمرو دياب، مؤكدا "الهضبة عنده ميزة نادراً ما تلاقيها فى حد تانى".

وقال تامر "تفاجأت وفرحت جداً وسعدت بالتقدير الخاص من فنان كبير زيه، وأعتقد عرفتوا جميعاً ليه هو رقم (1) بالنسبالى وفى مكان وغلاوة لوحده بعيداً عن الفرص الكبيرة اللى أتاحهالى بشٌغلى معاه ونجاحنا سوا".

وتابع تامر: "لازم تعرفوا الجانب الأهم والأجمل فى علاقتى بالراجل ده، الجدع الأصيل ده عمرو دياب، عنده ميزة نادراً ما تلاقيها فى حد تانى، كل سنة يقولى فى العلن قدام جمهوره جملة تعوضنى تعب السنة كله، مع إنى أساساً شرف ليا ثقته فيا ومحبته وعلاقتنا اللى لوجه الله فقط، لا غير حتى لو مانزليش معاه ولا أغنية هايفضل أستاذى وأخويا وصديق غالى جداً على قلبى لأنه ما بينكرش أبداً مجهود حد".

تامر حسين

وأوضح تامر: "السنة اللى فاتت قال جملة بجد اتخضيت من ذوقه فى حفلة مارينا (قال تامر حسين صاحب فضل فى الألبوم ده) مع إنى مهما عملت مهما هاعمل قليل عليه وحاجات كلها من قلبى لخدمة الشغل ولمصلحتنا كلنا، والسنادى فاجئنى بالشكر الخاص، كم أنت عظيم ومتواضع وحقانى ومخلص للناس اللى بتحبهم وبيحبوك، وربنا يديم العلاقة الإنسانية والثقة اللى بنا اللى بتشرف وبتباهى بيها طول الوقت".

ويعد تامر حسين أحد أبرز الشعراء والمؤلفين الشباب الذين لهم حضورا مميزا فى نجاح عمرو دياب بالسنوات الأخيرة، وشارك فى ألبوم الهضبة الأخير كل حياتى، بأغانى باين حبيت، يتعلموا وتعالى.