سالى عبد السلام بالحجاب: "زى ما هعمل للدنيا واتصور هعمل للآخرة واتصور"

اعتادت الإعلامية سالى عبد السلام على الظهور بالحجاب أمام جمهورها ومتابعيها، فى العديد من المناسبات مثل أداء العمرة أو مع اقتراب شهر رمضان الكريم.

ونشرت، اليوم، سالى عبد السلام صورتها بعد أداءها صلاة الجمعة بالمسجد، وقالت: "بقالى كتير نفسى أنزل أصليها فى المسجد، لما بتقعد كتير متنزلش بتخاف تتصور وأنت بتعمل خير، عشان محدش ينتقدك ويحبطك تانى وتبدأ من الأول تقوله ملكش دعوة ومش هبقى زيك وأضعف الإيمان إنك تشجعنى مش تنتقدنى يا أخى".

سالى عبد السلام بالحجاب

وأضافت فى تعليقها على الصورة التى نالت إعجاب جمهورها "تانى.. نبدأ من أول وجديد، زى ما هعمل للدنيا واتصور، هعمل للآخرة واتصور ويارب كفة الآخرة تكسب وينزع من قلبى حب الدنيا!".

سالى عبد السلام على انستجرام

وتابعت "لما الناس تقابلك تقولك على صورك دى اللى بيحبوها ليك وبتبسطهم اكتر من شغلك ورسالتك يبقى انت ماشى صح! ده اللى باقى لما أموت يفتكرونى بدعوة حلوة وصدقة جارية يا رب.. اللهم أعز الإسلام بنا.. دين السماحة والمحبة وحب الخير.. اتعرفت على نيرمين وبقينا صحاب وهى اللى صورتنى، شكرًا نيرمين".