هذا ما قاله سامح حسين عن مسرحية "جريما فى المعادى" بعد مشاهدتها

"عرض من أحلى العروض المسرحية اللي الواحد شافها في حياته" .. هكذا وصف النجم سامح حسين عرض مسرحية "جريما فى المعادى" والذى يعرض على مسرح الريحانى حاليا، ويقدمه النجم الكبير أشرف عبد الباقى مع عدد من الشباب الجدد.

وقال سامح: "امبارح اتفرجت أنا ومراتى على عرض من أحلى العروض المسرحية اللي الواحد شافها فى حياته .. حاجة كده محسوبة بالمللى و محصلتش فى مصر قبل كده ... مسرحية  جريما فى المعادي (مسرحية كلها غلط) لكن الحقيقة انها صح الصح".

وتابع حسين:"من غير اي مجاملة اللى هيفوته العرض ده هيخسر كتييييير  .. يلا كل واحد ياخد بعضه هو و اللي جنبه و يحجز حالا هتتفاجئوا من روعته و هتتبسطوا و هتضحكوا من قلبكم .. عرض كله اخلاص و اجتهاد و فكر جديد و حاجة تفرح و تشرف آخر حاجة .. المسرحيه بتتعرض على مسرح نجيب الريحاني بوسط البلد".

أشرف عبد الباقى وسامح حسين فى عرض مسرحية جريما فى المعادى

جريما فى المعادى

وكان النجم أشرف عبد الباقى قد دعا عدد من النجوم لمشاهدة العرض أمس الأحد ومن بينهم سلوى خطاب وشيرين وأشرف ذكى وخالد حمّاد وسميرة محسن وأمير رمسيس وسامى مغاورى والسيناريست تامر حبيب والمخرج سعيد حامد والمخرج على إدريس ومحمد فوزى وعصام إمام ونادر صلاح الدين، والمؤلفة زينب عزيز وكريم عفيفى وحامد الشراب ومحمد الصاوى وأيمن عزب والمخرج عصام السيد.