شاهد الحلقة 103 من برنامج جايالك فى الكلام.. المياه الرمادية

خصص برنامج "جايالك فى الكلام" الذى تقدمه الإعلامية إسعاد يونس حلقته 103 عن إعادة استخدام المياه.

وقالت الإعلامية إسعاد يونس فى البرنامج: "المياه الرمادية دى الحاجة لإعادة استخدامها بقت ملحة جدا، خصوصا فى الزمن اللى إحنا عايشينه، اللى نقطة المياه فيه بتساوى حياة حرفيا مش مجازا".

وأضافت: "كل بلد دلوقتى بتحاجي على نقطتين المياه اللي حيلتهم بعنيها. معادش خلاص زمن الهدر والسايب في السايب، ومصر الخير وكعادتها في النظرة البعيدة للأمور قررت تاخد زمام المبادرة، وبدأوا فعليا في مشروعات تدوير المياه الرمادية وحققوا نجاحات كبيرة في الموضوع ده".

وقالت إسعاد يونس: "مبدئيا مولوا الدراسات الخاصة بالموضوع ده، لأن أي عمل يتم من غير دراسة ووقوف حقيقي على كل تفاصيله، يبقى أي كلام، وهما مالهمش في الأي كلام".