راندا البحيرى تحكى كواليس غرقها لمدة 18 ثانية فى مسلسل الأب الروحى

نجاح كبير حققه مسلسل "الأب الروحى" بجزأيه الأول والثانى، حتى بعد تغيير مخرج الجزء الأول، وعدد كبير من الأبطال وظهور مجموعة من الشباب للمرة الأولى.

وكانت الفنانة راندا البحيرى، من نجوم الجزء الثانى، والتى شاركت فى العمل مع المخرج تامر حمزة، ولاقى دورها استحسان الجمهور، وتروى راندا عبر حسابها على "إنستجرام" كواليس تصوير أحد المشاهد الأخيرة لها فى المسلسل، وتحديدا 18 ثانية من الحلقة رقم 56 بالجزء الثانى للمسلسل، حيث نشرت فيديو من كواليس تصوير المشهد.

وقالت راندا، "الـ 18 ثانية دول من كواليس تصوير مسلسل الأب الروحى.. المخرج الأستاذ تامر حمزة، قالى أنام فى المياه.. قفلت عينى ومكنتش سامعة أى حاجة برة علشان صوت المياه اللى بتنزل من فوق كان عالى جدااااا.. ده غير أن البوكس الإزار ده مقفول عليا من فوق".

 

 

 

 

View this post on Instagram

 

 

 

 

 

 

 

 

 

صباح الفل. و جمعه مباركه عليكم ان شاء الله. ال ١٨ ثانيه دول. من كواليس تصوير مسلسل الأب الروحي. المخرج الأستاذ تامر حمزه قالي أنام في المياه. قفلت عيني ومكنتش سامعه أي حاجه بره علشان صوت المياه اللي بتنزل من فوق كان عالي جدااااا. ده غير ان البوكس الإزار ده مقفول علي من فوق. قفلت عيني علشان ياخدوا الشوط اللي عايزينه. خدوا الشوط اللي عايزينه. بعدها الأستاذ تامر بينادي. فتحي عينك يا راندا. فتحي عينك يا راندا. خلاص يا راندا خلصنا. وانا مبردش. أنا أصلا مش سامعه أي حاجه. الأستاذ تامر أفتكرني موت 😢😢😢😢😢 أو دايخه مثلا جدا. أو ان اي حاجه حصلتلي. و واترعب علي خاف علي خوف قسما بالله مشوفتهوش قبل كده جري و قعد يصرخ. و يزعق في كل الناس علشان يلحقوني وهو شخصيا جري و جاب السلم و اول ما عرف أني صاحيه و شافني قدام عينه بصلي. حط ايده علي وشه و عيط و بعدها فضل دقيقه قاعد علي الأرض بيجمع نفسه من الخضه. علي فكره أنا كان بقالي شويه قبل زمن الفيديو ده مبردش عليهم خالص علشان كده الخضه كانت كبيره. و انت يا استاذ تامر يومها كبرت في نظري اوي اوي اوي. و عرفت اد ايه انت بتخاف علي الممثل بتاعك و بتحبه بجد. ياريت البني آدمين كلهم طيبين زيك. وانا سعدت. و اتشرفت. ان في ال cv بتاعي اتكتب أني اشتغلت معاك. شكرا علي الروح اللي شوفتها في اللوكيشن بتاعك يا استاذ تامر و شكرا علي وقوفك جنبي و دعمك ليا. منساش أبداً اول يوم روحت فيه لوكيشن الأب الروحي وكم التعليقات الجميلة اللي قالها علي أدائي علشان يرفع روحي المعنوية و يحسسني أني مش داخله امثل الجزء الثاني و جديده عليهم. لا. حسسني اكني كنت معاهم من تحضير الجزء الأول. و احتضنوني كلهم. شكرا. و هيوحشني اوي الشغل معاك لحد ما نشتغل مع بعض تاني. ربنا يخليك للفن المصري ✌️. شكرا للإنسان تامر حمزه.

A post shared by Randa Elbehairy (@randaelbehairyofficial) on

Nov 9, 2018 at 1:49am PST

وأضافت "قفلت عينى علشان ياخدوا الشوط اللى عايزينه.. وخدوا الشوط اللى عايزينه.. وبعدها الأستاذ تامر بينادى (فتحى عينك يا راندا.. فتحى عينك يا راندا.. خلاص يا راندا خلصنا)، وأنا مبردش أنا أصلا مش سامعة أى حاجة".

وتابعت "الأستاذ تامر افتكرنى موت أو دايخه.. أو إن أى حاجة حصلتلى.. واترعب عليا خاف على خوفى قسما بالله مشوفتهوش قبل كده.. جرى وقعد يصرخ ويزعق فى كل الناس علشان يلحقونى.. وهو شخصيا جرى وجاب السلم وأول ما عرف إنى صاحية وشافنى قدام عينه بصلى.. حط إيده على وشه وعيط وبعدها فضل دقيقة قاعد على الأرض بيجمع نفسه من الخضة.. على فكرة أنا كان بقالى شوية قبل زمن الفيديو ده مبردش عليهم خالص علشان كده الخضه كانت كبيرة".

واستطردت "أنت يا أستاذ تامر يومها كبرت فى نظرى أوى أوى أوى.. وعرفت أد إيه أنت بتخاف على الممثل بتاعك وبتحبه بجد.. ياريت البنى آدمين كلهم طيبين زيك.. وأنا سعدت واتشرفت أن فى الـcv بتاعى اتكتب أنى اشتغلت معاك.. شكرا على الروح اللى شوفتها فى اللوكيشن بتاعك يا أستاذ تامر وشكرا على وقوفك جنبى ودعمك ليا".