شريف منير لـ"معتز مطر": "أنتوا محرومين من إحساس السعادة بانتصار جيشنا"

شن الفنان شريف منير هجوما عنيفا على الإخوانى الهارب معتز مطر المذيع بقناة الشرق الإخوانية، وذلك على هامش تشويهه العمليات العسكرية فى شمال سيناء، مضيفا «معتز مطر مش عاجبه إنى فرحان بالعمليات العسكرية اللى بيقوم بيها أولادنا وأخواتنا فى سينا.. طب بالذمة اللى إنتوا بتشوفوه وبتسمعوه فى البيان ده يفرح والا لأ ؟؟».

شريف منير

وأضاف منير على صفحته الشخصية بموقع التواصل الاجتماعى فيس بوك: "الحاجة التانية طبعا كلنا عارفين إن معتز مطر بيشتغل فى قناة الشرق.. بيوجه لى رسالة إنى لو شجاع وأملك الجرأة أتناقش معاه فيما يحدث من الجيش المصرى على أرض سينا، وانا بقوله طب ماتورينا الشجاعة إنت وحبايبك ويتجوا تتناقشوا هنا على أرض مصر، مش فى التليفونات وعلى الشاشات التركية".

وتابع «للأسف إنتوا محرومين من إحساس السعادة بانتصار جيشنا إللى هيتحقق كاملاً عن قريب بإذن الله، على أعداء الوطن وأعداء الدين.. لأن مفيش دين يرضى باللى بيعملوه الدواعش ومن هم على شاكلتهم.. من دبح وحرق وتعذيب وتدمير. .ولما تعرض مكالمة تليفونية.. إبقى إعرضها عَلى بعضها.. مش ولاتقربوا الصلاة ونسكت، خليك أمين وأنت بتعرض شغلك يا معتز» .