فيديو.. السيسى: لم يكن أحد من أسرتى بالجيش عندما التحقت بالكلية الحربية

أذاع التليفزيون المصرى، زيارة الرئيس عبد الفتاح السيسى المفاجئة للكلية الحربية، وتفقده مراحل الإعداد البدنى والمهارى للطلاب، وحضوره عددًا من التدريبات التى يجريها الطلاب وتعكس قدراتهم البدنية العالية.

وقال الرئيس السيسى، خلال كلمة وجهها لطلاب الكلية الحربية صباح اليوم الاثنين: "لما كنت طالب كنت بفكر فى كل إجراء بيتعمل وبقول الإجراء ده جيد ولا جيد جدًا ولا مش جيد.. مفيش حاجة 100% أبدا وديما إحنا كبشر بنسعى للكمال لكن عمرنا ما هنوصل للكمال.. كنت بفكر لما كنت طالب فى الكلية الحربية إن مش لياقتى البدنية بس تبقى كويسة.. وأنا طالب أساسى خدت بطولة الكلية.. وده كان نتيجة التدريب المستمر بسبب الأهداف اللى كنت واضعتها قدامى وعاوز أوصلها وأحقق لنفسى ده".

وتابع الرئيس: "قبل الامتحانات بأسبوعين أو 3 مكنتش بنزل إجازة.. وكنت واخد نوط الانضباط العسكرى فى الكلية.. ومكنش ليا حد من أسرتى فى الجيش وأنا أول واحد دخلت الجيش فى أسرتى بفضل الله سبحانه وتعالى، وبفضل إن أنا كنت حريص جدًا على تحقيق اللى عاوزه".