على الحجار ينشر صورة لتصويت أخيه فى الانتخابات بدبى ويعلق: هتفوا باسم مصر

احتفى الفنان على الحجار، بتصويت أخيه رأفت الحجار فى القنصلية المصرية بدبى فى الإمارات، مشيرا إلى كثافة الناخبين المشاركين خلال الإدلاء بأصواتهم فى الانتخابات الرئاسية، وترديدهم الأغانى الوطنية والهتافات.

وكتب على الحجار، عبر صفحته على موقع التواصل الاجتماعى فيس بوك:"أخويا رأفت الحجار عايش فى دبى من سنين طويلة ودايما بيوحشنا وجوده فى وسطنا أنا وأحمد لأنه بييجى مصر مرة فى السنة".

وأضاف: "لكنه فى الأسابيع اللى فاتت أسعدنا أربع مرات.. مرة.. لما غنى معانا فى أغنية ( ليالى الفرح ) اللى كتبها الصديق الشاعر سالم الشهبانى ولحنها أخويا أحمد الحجار علشان فرح أحمد ابنى (غنى فى دبى وبعتلنا تراك صوته من هناك ) والمرة التانية لما عمل لنا مفاجأة وجه مصر علشان يحضر الفرح وبالمناسبة الأغنية دى غنى فيها أحمد ( العريس ) وأخواته وأعمامه وأبوه ( اللى هوه انا يعنى.. ) وإن شاء الله حتسمعوها قريب".

واستكمل قائلاً:"والمرة التالتة إنه بعتلى الصورة دى من شوية علشان يقول لنا إنه راح القنصلية المصرية فى دبى يدلى بصوته فى انتخابات الرئاسة ولما كلمته علشان اسأله إذا كان عدد المصريين اللى راحوا ينتخبوا كان عدد كويس واللى أسعدنى للمرة الرابعة بان المصريين اللى أدلوا بأصواتهم كانوا كتير وكانوا واقفين بيغنوا ويهتفوا باسم مصر. الحمد لله لسه المصريين بخير".

على الحجار