أسامة كمال: الإقبال على التصويت فى اليوم الأول يبرهن نجاح الانتخابات الرئاسية

وصف الإعلامى أسامة كمال اليوم الأول لمشهد الانتخابات الرئاسية بأنه "جميل ورائع وهناك حالة دفء بين المصريين يجمعهم أثناء الإدلاء بأصواتهم داخل مقرات اللجان".

وأضاف أسامة كمال، خلال تغطية خاصة لمشهد الانتخابات الرئاسية عبر برنامجه، اليوم الاثنين: "الإقبال على التصويت فى اليوم الأول للعملية الانتخابية بيقول ببساطة عندنا انتخابات رئاسية ناجحة".

وتابع كمال: "عندنا رسالة للعالم بتقول المصريين مستوعبين الدرس وفاهمين الدرس، وبغض النظر عن صوت اللى واقف فى الطابور الانتخابى لمين، لكن فى النهاية هو مصرى نزل يمارس واجبه".

ووجه كمال رسالة للمصريين قائلا: "يا سادة طموح مصر وأملها يكون 59 مليون صوت قدام اللجان، مفيش فرق بين مصرى ومصرى، كله عنده نفس الواجب وحتى اللى مش قادر، الدولة بتساعده يروح يدلى بصوته".