مرتضى منصور: أنا يتعملى تمثال على إنجازاتى فى الزمالك.. مش يتحقق معايا (صور)

قال المستشار مرتضى منصور، عضو مجلس النواب، ورئيس نادى الزمالك، إن جمهور نادى الزمالك الذى يبلغ ما يقرب من 40 مليون مشجع لا يعنيهم سوى تحقيق بطولات على أرض الواقع، وفوز ناديهم وليس لهم دخل بالمشاكل الداخلية للنادى، متابعا: "ده أمن وطنى يا أفندم، نادى الزمالك نادى بطولات".

وأوضح منصور، خلال كلمته اليوم باجتماع لجنة الشباب والرياضة بمجلس النواب، برئاسة النائب فرج عامر، ممدوح عباس المواطن ضارب شيكات لنفسه وعقود تفيد اقراضه للنادى مبالغ ماليه بدون أوراق وبدون تواريخ وهذه جريمة، مضيفًا :"الدولة سايباه".

وأشار رئيس نادى الزمالك، إلى أنه تسلم نادى الزمالك وهو مديون بـ106 ملايين جنيه والآن وفر للنادى 195 مليون جنيه، متابعا: "يعنى بجيب فلوس للنادى وعملت نادى عالمى الدنيا كلها بتتكلم عنه، متسائلا: هو انتوا بتحققوا معايا علشان وفرت 195مليون ولا علشان طلبات رفع الحصانة.. أنت سايب اللى أهدر مليار جنيه وبتحقق مع اللى وفر وحول النادى لعالمى، أصبح يضم وزراء ومستشارين وشخصيات.. أنا يتعملى تمثال مش يتحقق معايا."

واستطرد منصور: "قناة النائب محمد اسماعيل، " الحدث اليوم" تسب وتنال من شخص رئيس النادى بشكل يومى.. النائب صاحب القناة كان شغال مع أيمن نور وبيشتم فينا كل يوم فى القناة بتاعته فى برنامج فى القناة بتاعته".