يوسف زيدان لـ"ON E": "مش المصريين اللى خلّصوا على التتار"

قال الكاتب والروائى يوسف زيدان، إن موقعة "شقحب" حدثت بين المسلمين والتتار عام 702 هجرية، مردفاً: "إحنا مضحوك علينا، وملعوب فى دماغنا ومتعلمين غلط ولازم نعترف بكده عشان نصحح، وبيقولوا موضوع التتار دا خلصه قطز فى عين جالوت، لا عيب الكلام دا والله".

وتابع زيدان، خلال لقائه ببرنامج "كل يوم"، على فضائية "ON E"، مع الإعلامى عمرو أديب،: "مش المصريين اللى خلّصوا على التتار، ومفيش قبل محمد على جيش مصرى إلا لما ترجع للعصور المصرية القديمة، إنما الفترة دى كانوا مماليك، جماعات مقاتلة يتم استئجارها، وقطز واحد من اللى بيتخانقوا بالأجرة"، مردفاً: "الناصر للخليفة الفاطمى العاضد بأمر الله صلاح الدين يوسف ابن أيوب الملقب بخادم الحرمين الشريفين – وهو مرحش حج – بعد ما انتصر على الصليبيين فى حطين انهزم قدامهم فى الرملة وجيشه اتدمر، وسمع أن الخليفة فى بغداد جاى يحاربه هو والصليبيبن، راح مدى ساحل الشام كله هدية للصليبيين".

وذكر يوسف زيدان، أنه فى عام 628 هجرية، "أعاد ابن شقيق صلاح الدين، القدس للصليبيين، وصلاح الدين استعبد المصريين، وخلاهم فلاحين قرارين وخد فلوسهم جاب بيها مماليك، هم اللى بيحاربوا، والمرتزقة دول قتلوا حفيده توران شاه، وقضوا على الدولة الأيوبية، وبدأوا يحكموا فأتى المغول امتداداً لجنكيز خان".