سمير حافظ النواجى يكتب: بحر الحياة

مـاشــى فـى بحـر الحياة والبحـر مــوج عـالى

مـا شــوفـت غـــير الآه وأحـــوال مـعــنـدانـى

و هـــمى حــمـله تـقـيل وأكــتافى واجــعــانى

مــوجــــه تـيـجــبـنى يـمـين وتــُـردنى تـانــى

و موجه تاخــدنى شمال وتفضل مـــعــاكسانـى

لا شـــط راضــى يـبـان ولا مَــرســــا تـهــنـالى

وشـوش كـتير إتـغـيرت وأنا لـسـه عـلى حـالى

دنـيـا عـلـيـهــا نُــمــر وأيـامــنـا فــيـهـا تــكُـــر

كل مافيها مُر وتفتكره الدوا يطلع يادوب بيضُر

ناس بكـل الـوشـوش وإتبدلت فـيهـا الـنـفوس

حــوش يــارب حــوش الناس قـلبت وحـوش

ناس ع المـصالح دورت وهـى ع الحقيقة بانت

ناس فى ضحكتها زورت وناس للصداقة خانت

ناس فى المصايب تِكسرك وناس تـقولك هانت

ناس للـرجولة مَثَل وناس فـى الـندالة عـامـت

ناس فى وشـك تمدحك وفى الضَهر ياما قالت

نـاس تنصحها تِسمعك وناس بكـلامها توجعك

وناس تشتريها تضيعك وناس ترفعها توقـعك

ناس دنيـتـها غريبة تجـرحك ولا تعـرفش عيبه

و نـاس كــل هــمـــهــا تـبـقـــوا ســـوا خــيــبـة

دنيا وصبحت مدرسـة أخـلاقـنا فيها مفـركـشة

كــل الدروس متـوفرة والعـلم فيها يجـيب ورا

فيـا ميت ندامة ومسخرة ع النفوس المتـعكرة