محمد عبد الله طاهر يكتب: الكل عايش فى ملكوت

قل الإحساس وشعور الناس عمال بيموت

الناس مش ناس والكل عايش فى ملكوت

بينهم الظالم وفيه كمان المظلوم

فيه اللى عايش وفيه كمان المعدوم

و فيه اللى حزنه جواه مكتوم

و فوق كتافه جبال الكون

محدش عارف مين تعبان ومين مبسوط

مين فرحان ومين زعلان ومين بيموت

محدش عارف يصدق مين ومين كذاب ومين مسكين

خلطة إنس على شياطين فيها نفوسنا يا ناس تايهين

بقينا فى غابة فيها الإنسان مابقاش إنسان

بقه بيكدب وكذبه كمان أشكال وألوان

كله بيكذب عالأيام والكل كلامه أى كلام

تيجى تواجهه يقول ده فلان تروح لفلان يقول كذاب

الكل تايه فى العنوان وما بقاش للآخرة مابيننا حساب