فيديو معلوماتى.. 6 خطوات عشان تحطى الروج زى المحترفين

يعد المكياج من أهم الأشياء التى تحرص الفتيات على اقتنائها، ولأن الروج من أدوات المكياج الأساسية يعتقدن أن وضعه من أبسط الأمور التى تجيدها كلهن، فكل ما بالموضوع هو أن تمسك به وترسم به شفتيها للحصول على مظهر أنيق، إلا أن الأمر ليس كذلك، فقد نشر موقع "stylecraze" تقريرًا يوضح من خلاله الخطوات الصحيحة للحصول على أحمر شفاه كالمحترفين حتى يظهر المكياج فى النهاية أنيقا ومثاليا.

- لازم فى البداية الشفايف تكون جاهزة وصحية عشان الروج يبان مظبوط، عشان كدا استخدمى فرشاة أسنان فى تقشيرها.

- استخدمى زبدة كاكاو لترطيبها، وسيبيها لحد ما تتشربها تمامًا عشان الروج يثبت.

- تانى خطوة هى استخدام الـ lip primer كطبقة قبل الروج عشان يمنع ظهور خطوط على شفايفك بعد فترة.

- قلم تحديد الشفايف من الخطوات المهمة، ابدأى الرسم من قوس كيوبيد، وبعدها كملى رسم الباقى وبعدين وزعى التحديد على الشفايف.

- وضع الروج على الشفة السفلية الأول وخلى بالك ابدأى من المنتصف وبعدين وزعى الروج على الأطراف، ونفس الطريقة فى الشفة العليا.

- آخر خطوة لازم تحطى منديل على شفايفك وتستخدمى أسلوب الطبطبة عشان الروج يكون ناعم ومظبوط.