صاحبة واقعة ربط ابنها بالسلسة خلال رؤية والده ترد على منتقديها

أثارث صاحبة واقعة ربط طفلها بالسلسلة، الجدل خلال لقاء نجلها بوالده، موقع التواصل الاجتماعى فيس بوك، وتبيانت ردود الأفعال بسبب قيام سيدة مطلقة بتكبيل طفلها بسلاسل حديدية خلال رؤيته لوالده ببورسعيد، وذلك لمخاوفها من اختطافه.

من جانبها، حرصت السيدة صاحبة الواقعة "س.ز"، رفضت ذكر اسمها، على حق الرد والتعبير عن موقفها من الواقعة، حيث قالت أن المصور لم يلتقط الحقيقة كاملة، لم يرصد ظروف المكان غير المؤمن ومحاولات والده اختطافه منها، مضيفة «مصورش الأب وهو عايز ياخد الطفل منى وهو بيعيط».

الصورة التى أثارت الجدل

وأوضحت السيدة "س.ز"،  فى تصريحها لــ"اليوم السابع"، «انا أم عايزة أربى ابنى فى سلام، هددنى كذا مرة بخطفه وقتله، والسلسلة كمان الطفل بيلعب بيها وبيحبها لأنها بتصدر صوت زى الشخشيخة، يعنى ولا هى أداة ترهيب ولا عقاب وربطها فى رجله، ومن حقى أحمى طفلى من الخطف والقتل».

وتابعت «الأب كتب كل شئ بإسم مامته عشان يحرم طفله من مسكن الزوجية، وكمان كتب المحل بإسمها وزور فى مفردات مرتبه، رغم كده طلبت منه بدل المرة الف هو واهله يجى يشوف الطفل فى البيت وهو رفض، الطفل حصله ذعر من إمبارح من قله أدب أبوه وكان عايز ياخده ويبعد بيه بعيد عنى».

وقالت صاحبة واقعة السلسلة «محدش بيخاف على الطفل قدى محدش شاف فيه الموت غيرى، محدش شال مسؤليته شبهى، كل ده ليه عشان رفضت أعيش فى ذلهم وضرب وإهانه، كل ده عشان عايزه أبنى يطلع انسان سوى بعيد عنهم وميطلعش متطرف زيهم، من وقت للتانى بيهددونى على التليفون الأرضى يسرقوه أو يقتلوه ويحرقوا قلبى عليه».

سيدة تكبل ابنها خلال رؤية والده

واختتمت قولها «انا من حقى أحافظ على ابنى انا اللى تعبت فيه انا الى ضحيت ولسه بضحى ليه، وهبت حياتى عشانه فى نفس الوقت الى ابوه راح يكتب كل حاجه بإسم امه عشان يحرمه من جميع حقوقه، انا الأم اللى صوروا نصف الحقيقه ومصوروش الباقى وهى بتتهزق وبتتشتم هى واهلها من ابوك، وهو عايز ياخدك بعيد عنها فى الرؤية فى مكان مش مؤمن انا الأم اللى بتحبك أكتر من نفسها بتحبك اكتر من بباها وممتها اللى ربوها الى تتمنى تجيبلك الدنيا تحت رجليك حسبى الله ونعم الوكيل فى كل ظالم».