تاجر مخدرات: "اشتغلت فى الحشيش عشان ما امدش إيدى لحد وبكسب كويس"

"مبتاجرش فى الهيروين، حشيش بس"، بهذه الكلمات بدأ أحد المسجلين اعترافه بالاتجار فى المواد المخدرة ظناً منه أن العقوبة ستكون أخف، مؤكداً أنه أدمن تلك المادة والاتجار فيها.

فى البداية وقف المتهم "محمد.ج." عاطل أمام وكيل النائب العام لسماع أقواله بعد القبض عليه خلال تفقد الحالة الأمنية بمنطقة منشأة ناصر بالقاهرة، خلال ترويجه المواد المخدرة على عملائه من الراغبين فى تناول تلك السموم، حيث إنه حاول مقاومة السلطات بإشهار السلاح فى وجههم.

بدأ المتهم حديثه إلى ممثل النيابة العامة نافيا تجارته فى مادة الهروين المخدر قائلا: "محصلش أنا مش بتاجر فى الهروين أنا بتاجر فى الحشيش بس"، ونفى كذلك حيازته لسلاح أبيض وقت إلقاء رجال الأمن القبض عليه، بعد ورود معلومات تؤكد تجارة المتهم فى المواد المخدرة".

وأضاف المتهم خلال أقواله بمحضر النيابة العامة مبرراً عمله فى بيع المواد المخدرة قائلا: "أنا من شهر مخلص الأحكام اللى عليا وهى ثلاث قضايا سلاح أبيض ولما خرجت من السجن لقيت الدنيا ملطشة وأنا قاعد لوحدى محبتش أمد أيدى لحد، وقررت أبيع واشترى فى الحشيش واتاجر فيه، وكنت أعرف ناس عن طريق أبويا ومظبط معاهم وكنت بشترى منهم الحشيش".

وأكمل المتهم حديثه: "اشتريت حتة حشيش بألف جنيه فى البداية ولما قطعتها بعتها بألفين ونص، وعلى مدار الشهر بعت اللى معايا والدنيا كانت حلوة، وده خلانى ممدش أيدى لحد وبقيت أشترى وأقطع وانزل أبيع، وكنت بشترى الحشيش من كرداسة، وكنت بشرب كمان لأنى غاوى شرب من خمس سنين، وكان عاجبنى شرب الحشيش، وكنت بشرب سيجارة كل يوم لحد ما أدمنت، مؤكداً أنه اشترى الحشيش من تجار بمنطقة كرداسة لكنه لا يعرف أسماءهم".