انقذوا نهاد.. مأساة فتاة مهددة ببتر قدميها والعلاج فى الخارج الأمل الوحيد

مأساة كبيرة تعيشها أسرة فتاة تدعى نهاد حفنى محمود، الطالبة بالسنة السادسة بكلية طب قصر العينى، بسبب المضاعفات الشديدة التى أصابتها، بسبب عدم إجراء عملية المرارة فى موعدها.

وقال والد نهاد لـ"اليوم السابع" : " بنتى أم لطفل .. كل اللى حصلها وممكن يحصلها بسبب إن المرارة ماتلحقتش حصل عندها عدوى بكتيرية أدت لمضاعفات كتير، حصلها نزيف فى المخ ودخلت فى غيبوبة، أول ما بدأت تفوق حصلها جلطة للجزء الشمال كله".

وأضاف: " نهاد عندها صعوبه فى التنفس وعملولها شق حنجرى علشان تعرف تتنفس ولسه بيحاولوا فيه، ظهر عندها مرض مناعى بيؤدى لتجلط فى الأورده الدمويه .. وللأسف التجلط ظهر فى رجليها وعمل غررينه".

وواصل: "رجليها ابتدت تجف والدكاتره مش عارفه تعملها إيه مستنية توصل لليفل الأخير من الجفاف علشان يقدروا يحددوا الحل للحالة، لأن حالتها صعبة ونادرة".

وتابع : "الدكاتره من أول مادخلت المستشفى وكان قرار البتر لرجليها قائم فى أى لحظه لكن اللى ساعد إن القرار ده مايتاخدش إن الشرايين الكبيره لسه سليمه وده اللى خلى القرار ده مايتاخدش لدلوقتى".

واختتم والد نهاد رسالته : "إحنا كل اللى عاوزينه حد يتبنى الحاله ونسفرها بره.. شابه لسه فى أول عمرها وبداية مستقبلها ..  قرار البتر بالنسبه ليها ولينا يعنى الموت.. نفسنا نلحقها ونلحق الأمل اللى فاضل جوانا.. بناشد الرئيس ووزير الصحة وأهل الخير يساعدونا نعالجها".

للتواصل على الرقم  : 01282707709

شاركونا فى تحرير المواد الصحفية بإرسال الصور والفيديوهات والأخبار الموثقة لنشرها بالموقع والجريدة المطبوعة، عبر خدمة "واتس آب اليوم السابع" برقم 01280003799، أو عبر البريد الإلكترونى send@youm7.com، أو عبر رسائل "فيس بوك"، على أن تُنْشَر الأخبار المُصَوَّرَة والفيديوهات باسم القُرّاء.