محمود فاروق محمد يكتب: كلمينى

انطقى كلمينى

حطمى شىء مالوش وجود

شىء بينك وبينى

أنتى ليه بطيئة ف الردود؟

,,,,,,

انطقى كلمينى

بالتقل ده بتعذبينى

ياحبيبتى بتقتلينى

نفسى صوتك يبقى أخر صوت اسمعه

,,,,,,

هأمشى وأبعد وافارقك

وعنيا هتبعد عن عنيكى

من قلبى ياحبيبتى عاشقك

والشوق دوبنى فيكى

,,,,,,

انطقى كلمينى

طب مرة يعنى

اسمعينى

هأبعد وهتوحشينى

نفسى صوتك يبقى اخر صوت اسمعه

شريط ذكريات كل أما يخلص بأرجعه

وانتى ليه من ذكرياتك بتمسحينى ؟

,,,,,,

انطقى كلمينى

خايفة ليه تفهمينى ؟

أو مرة تيجى عينك فى عينى ؟

خايفة تضعفى لو دمعى يعنى بعينك هتشوفيه ؟

لسه يعنى جوه منك حبى باقى ؟

لو لسه يعنى

ليه بإيدك تقتليه ؟

انطقى كلمينى

ساكته ليه

راح فين الكلام ؟

الوقت عدى

طب سلام

نفسك تقولى حاجة ؟

اتكلمى

نفسى صوتك يبقى آخر صوت اسمعه