سمير حافظ النواجى يكتب: امــتـى هــتـقـلـبـى جـــد؟!!

 مـاشـى فى حـالى وراضى

 وكــله عـــنـدى أهـو عـادى

 ومـا بُــصـش لإيـد أنا حــد

 بَـطَـنـش وأعــدى حـاجـات

 وأقـول اللى فات أهـو مات

 ومــاجــرحــش أيُـهــا فــرد

 وفـجــأة الـحـيـاة بـتســود

 وفـى حـــيـلى تـبــدأ هَــــد

 أصــرخ وأَعــلـى الــصــوت

 وأنـــده مـــا حـــــد يـــرد

 ويعـرق فى لحـظة جـبيـنى

 وصـوتَك يا خـوف يناديـنى

 ويـقـولى خلاص هـتجــينى

 ونـبـدأ فـى جــذب وشـــد

 لـيـه كــل مــا أبـدأ فـــيـكـى

 سِــكـه تـقــول حـَــواريـكـى

 لــطـمــوحَك هـنـعــمـل حَــد

 ولو مــرة أشــد فـى حَـيـلى

 وأقـول راح أسـبـق غــيـرى

 مـا يـطـلـعـشى كـلامِك جَــد

 وعشان عِيـشت فيكى بخاف

 جـيـبـتـينـى لـمـس أكـــتـاف

 وفـى ثـانـيـــة خـلـص الـعـد

 لـــيـه دايـمــاً بـتـلـعـبى بـيـا

 ووخـــدانى لـــيـه تـسـلـيـة

 امــتـى هــتـقـلـبـى جـــد؟!!

 يـا دنـيـــا وكَـــتر خــــيـرك

 خـــلاص هــابــص لــغــيرك

 وأعـــمــل لـــيــوم الــغـــد

 هــاعــمــل لأخــره وديـنـى

 وأســــأل ربــنــا يــــديـنـى

 وأفـــوز فــى مـــرة بـجـــد

 هَـاطَــيـب وداوى جــــراح

 يـمــكـن فــى يـــوم أرتــاح

 وعـــقــلى لــ راسـى يـــرُد