محمد صلاح: سعيد بتواجدى مع ليفربول.. ومباراة روسيا فى المونديال "الأصعب"

قال الدولى المصرى محمد صلاح، نجم ليفربول الإنجليزى، إنه سعيد بتواجده مع فريقه ليفربول، متابعا بالقول: "تفكيرى كله إنى أخلص السيزون مع الفرقة بتاعتى وأعمل معاهم أرقام كويسة وأحقق حاجة مع الناس وده كل تركيزى مع النادى دلوقتى".

وأضاف محمد صلاح، خلال حواره مع الإعلامى عمرو أديب، ببرنامج "كل يوم" المذاع عبر قناة ON E، أنه عندما أتت له الفرصة للانتقال من فريق بازل السويسرى إلى تشيلسى، رأى أنها فرصة جيدة كى يطور من نفسه أكثر فى الدورى الإنجليزى، وعندما رحل عن تشيلسى كان يطمح فى العودة مرة أخرى إلى البريميرليج، لذلك عندما جاءت لها فرصة الانتقال إلى ليفربول قادما من روما، وافق عليها رغم معارضة الكثير من الناس له، ليبقى فى روما، مردفا: "اليوم اللى رجعت فيه.. ولعبت فى ليفربول كان الموضوع تحدى تانى ولما جات الفرصة الكل قالى خليك فى روما لأنك مبسوط مع الجهور والنادى، لكن دلوقتى قالوا أنت صح إنك عملت حاجة زى كده".

وكشف صلاح، عن حبه للدورى الإنجليزى، بالقول: "الكرة به سريعة عكس الدورى الإيطالى الذى يتسم ببطئ لحد ما.. علشان كده يوم ما مشيت منه قلت لازم أرجع تانى".

وعن رأيه فى المنتخب الوطنى، أوضح أنه يرى أن الفراعنة سيفعلون شيئا فى كأس العالم، لأن منتخبنا قادر على تحقيق إنجاز جديد، متابعا: "للناس اللى بتقول هناخد 3 مباريات ونرجع.. أنا مش شايف كده خالص لكن بسيب الناس تقول اللى هى عاوزاه.. وإحنا شايفين حاجة تانية وطموحنا غير كده".

ورأى محمد صلاح، أن المباراة الصعبة للمنتخب الوطنى فى المباريات الأولى بمونديال كأس العالم هى مباراة روسيا، خاصة أن تلك المباراة على أرضهم وبين جمهورهم.