مينا جميل يكتب: ولحد إمتى ؟؟

لحد امتى حبنا

يبقى ممنوع م الحلول

لما ادور فيكى عنى

وانتى جوه حد تاني

لما بحسب كل كلمة

قبل م انطقها وأقول

لما ياخدك حد مني

مستحيل م ابقاش اناني

لما بحلم يوم اشوفك

بس دايما مش بطول

لما بسمع ضحكتك

بسرق الفرحة ف ثواني

لحد إمتى !؟

هبقى شايفك من بعيد

ممنوع اقرب

لما يوم اتمنى حضنك

مستحيل أبداً هجرب

لو صحيح بتحسى بيا

حطى نفسك يوم مكاني

شوفى بعنيكى أن حضنى

فجأه يبقى لحد تانى