حكاية قبطى فى رمضان.. "يوستينا" تهنئ زملاءها المسلمين بالمصاحف والفوانيس

ينتظر المسلمون شهر رمضان من السنة للأخرى، وتعتبر الاستعدادات للشهر الكريم لها مذاق آخر وخاص جداً لدى الأقباط من الإناث والذكور الذين يودون معايدة أصدقائهم وزملائهم بالعمل على طريقتهم الخاصة، وهكذا تفعل يوستينا.

يوستينا سمير، تعمل فى أحد البنوك الشهيرة بمحافظة كفر الشيخ، ولا تفرق بين مسلم ومسيحى خاصة عند قدوم شهر رمضان الكريم، وكرمها يزداد مع حلوله، فهى تشترى المصاحف لكل فرد فى العمل لتهنئهم ببداية الشهر الكريم، معترفة بذلك إنه الوقت المناسب لإتمام المصحف.

الفانوس

تقول يوستينا لليوم السابع: "عارفة إنهم بيقروا المصحف كله فى الشهر دة بالذات وبيختموا القرآن، علشان كدة بجيب لكل واحد هدية مصحف ليه لوحده علشان يفتكرونى بيه".

اشترت أيضاً فانوس كبير لوضعه طوال شهر رمضان بالبنك، وليكون ذكرى لهم على أسمها يضعونه كل رمضان، فهى تعلم جيداً أن الفانوس رمز مهم من رموز الشهر الكريم، ليس فقط هذا، بل تسعى إلى التجمع حول مائدة واحدة وقت الافطار مع أصدقائها وزملائها.

زملاء يوستينا مع الفانوس

"اشتريت ليهم فانوس كبير أوى علشان يفتكرونى برضو بيه وعلشان أقولهم كل سنة وأنتوا طيبين على طريقتى، وعلشان أنا كمان بحب رمضان والفوانيس جداً، كمان بحب أوى اتفق مع أصحابى علشان نفطر فى أى مكان برة مع بعض ونعمل زى مائدة كبيرة أوى بيشترك فيها كل أصحابى وكل اللى عايز ينضم لينا".

يوستينا مع زملائها