مينا جميل يكتب: إنساها

إنساها وعيش وانسى كلامك

ملهاش ولا ثانيه ف أحلامك

إزاى مستنيها تجيلك

م كفايه وفوق من أوهامك

هو أنت نسيت إنك هامش

ونسيت أن أنت أساسا طيف

ونسيت إنك أخرك أصلا

هتشوفها كأنك حتة ضيف

ونسيت إنك عايش موهوم

ولا حدش حاسس إيه جواك

بتخبى مشاعرك ع العالم

هتموت ومشاعرك فيك قاتلاك

هتموت بالحسرة وبالغيرة

إنها مع غيرك مش وياك

إنها بتشوفه ف كل مكان

وكمان بيحاول يرضيها

بتخاف جدا من قربها ليه

مطمن من خوفه عليها

مش ممكن أبدا تنساها

لكن مكتوب تتناساها

أصل النسيان شىء أسطورى

لحاجات ف قلوبنا وعشناها