ميدو: "لازم نحترم كوبر وجهازه ولازم ماننساش الإنجاز اللى عملوه"

أكد أحمد حسام ميدو، المدير الفنى الأسبق لفريق وادى دجلة، أنه لابد من احترام المدير الفنى هيكتور كوبر وجهازه، لما حققوه فى الفترة الماضية من إنجازات، والتى من ضمنها الوصول إلى المباراة النهائية فى كأس الأمم الإفريقية بعد غياب ثلاثة سنوات والصعود إلى كأس العالم.

وكتب أحمد حسام ميدو، عبر حسابه على موقع التغريدات القصيرة تويتر: "صباح الخير على الجميع.. كويس أن مصر كلها زعلانه أن إحنا طلعنا بالشكل ده من المونديال ده دليل إن احنا المره اللى جايه مش هنكتفى بس بالصعود ولكن هنبقى عايزين نعمل كاس عالم كويس وده كلام كويس جدا علشان نمشى لقدام ونتطور!!".

وأضاف ميدو: "أهم حاجه لازم نحترم كوبر وجهازه ولازم ماننساش الإنجاز اللى عملوه ماينفعش نبقى جاحدين!! الناس دى استلمت المنتخب مابيوصلش كاس أمم بقاله 3 مرات ووصلونا نهائى كاس الأمم ووصلونا كاس عالم يبقى ماينفعش ننسالهم كل ده!! الناس دى محترمه أخلصت فى كل يوم ودقيقه فى عملهم!!".

وتابع ميدو: "دلوقتى مصر كلها داقت لذة وحلاوة التواجد فى كأس العالم ولازم كلنا نفكر ازاى نعمل كل حاجه علشان نبقى موجودين فى كاس العالم اللى جاى وإزاى لما نبقى موجودين مانظهرش بالمستوى ده ونكون شكلنا أحسن ونعمل نتايج أفضل!!".

ميدو