رسائل الرئيس السيسي بافتتاح محطات الكهرباء العملاقة: شركة سيمنز قامت بعمل غير مسبوق عالميا.. لن نكتفى بالمسكنات ولا نعرف أنصاف الحلول.. ما حققناه فى عالم الكهرباء والطاقة "خيال".. ومشروعاتنا تكفى 15 عامًا

ننجز مشروعاتنا 100% وعلى أعلى مستوى

يوجه محمد شاكر بالالتزام بموعد الانتهاء من شبكات نقل الكهرباء فى 2019

الرئيس السيسي لـ"المصريين": "اصبروا.. ولازم ناخد الأمور بجدية ومسئولية"

يشهد الرئيس عبد الفتاح السيسى، اليوم الثلاثاء، افتتاح عدد من المشروعات القومية الكبرى فى قطاع الكهرباء، وذلك بحضور الدكتور مصطفى مدبولى، رئيس الوزراء، والمهندس شريف إسماعيل رئيس الوزراء السابق، والوزير محمد عرفان رئيس هيئة الرقابة الإدارية، وطارق عامر محافظ البنك المركزى، ومحمد شاكر وزير الكهرباء، وعدد من الوزراء وكبار رجال الدولة.

الرئيس يشيد بدور شركة سيمنز فى مصر: قامت بعمل غير مسبوق عالميًا

وأشاد الرئيس عبد الفتاح السيسى، خلال كلمته، بشركة سمينز لدورها فى مساعدة مصر فى تدعيم شبكة الكهرباء، قائلًا:"الشركة ساعدتنا فى رفع كفاءة التشغيل للعمل فى درجات حرارة أعلى من الظروف الطبيعة التى يتم التعاقد عليها، نظرًا لارتفاع درجات الحرارة فى مصر".

وأضاف: "كل النقاط التى طلبناها من الشركة تم تنفيذها رغم التوقيت الحاسم والمحدود، والذى كان يمثل تحديًا كبيرًا لنا، كما ساعدتنا فى التكلفة وأنا باسم المصريين والدولة أتوجه بالشكر لهم، لأن كل ما طلبناه أمر غير مسبوق فى أى عقود عاليمة".

السيسى: لن نكتفى بالمسكنات.. وننجز مشروعاتنا 100% على أعلى مستوى

ووجه رئيس الجمهورية، الشكر لمحمد شاكر، وزير الكهرباء، قائلا :"بشكرك على العرض اللى حضرتك عرضته والشرح اللى شرحته لينا، وبأنتهز الفرصة وبقول للمصريين، عايز نفتكر سنة 2014، ورد فعلنا إزاى على موقف الكهرباء ".

وتابع:"كان قدامنا خيارين إننا نعمل إجراء، نرمم الحالة بتاعتنا وإننا ندخل الخطة العاجلة، وتبقى الشبكة بتاعتنا بنفس مستوى الشبكة اللى كان ممكن كانت جيدة من 40 خمسين سنة، لكن حصل تطور كبير، وقت الشبكة كنا 20 مليون إحنا بقينا 100 مليون ".

وأوضح الرئيس:" كان ممكن نكتفى بحل والمسكنات، ودا مهم أؤكده نحن لا نعمل أمور نص ونص, نص ونص مافيش.. هعمل إصلاح اقتصادى 100%، عشان البلد دى تقوم مرة تانى ومحدش يقدر يوقعها.. إحنا بنعمل حاجتنا 100% وعلى أعلى مستوى".

وتابع:" محطة الضبعة تتكلف تريليون جنيه، قطاع واحد بيعاد صياغته وتجهيزه، لتساوى الدول المتقدمة.. عايز 100 مليار دولار".

السيسى يوجه بالالتزام بموعد الانتهاء من شبكات نقل الكهرباء فى 2019

كما وجه الرئيس عبد الفتاح السيسى، سؤالا لمحمد شاكر وزير الكهرباء، عن موعد الانتهاء من شبكات نقل الكهرباء، قائلا :"شبكات النقل الـ6000 كيلو؟، هم دول هيخلصوا امتى؟".

ورد محمد شاكر، :" حضرتك أمرت إنهم يخلصوا فى 2019، لكن اسمحلى حضرتك هنأخر جزء فى ربط المحطة النووية والحمراوين، ودا بمقدار 750 كيلو، إحنا هنخلص قدرات أكثر من 5000، وممكن نزود كمان عشان حضرتك أمرت أننا شرق العوينات نحسن مستوى الطاقة هناك، وهنزود حوالى 450 ميجا".

ورد السيسى  :"يعنى إحنا ميعادنا 2019، إحنا ميعادنا 2019، بلاش 2025"، وهو ما رد عليه شاكر :"بلاش 2025 دى يا فندم.. هغيرها".

السيسى: ما حققناه فى عالم الكهرباء والطاقة "خيال".. ولا نعرف أنصاف الحلول

وأكد أن مصر تشهد الآن قفزة كبيرة فى كل شىء، مطالبًا المصريين بضرورة أن يفخروا بأنفسهم، قائلًا :" يجب أن تفخروا بأنفسكم وتكونوا سعداء بما أنجزتموه لأنكم أنتم من عملتم بكل هذه المشروعات".

وقال إن كفاءة الأداء فى المحافظات لا تقل عما سيتحقق بالعاصمة المصرية، معقبًا: "لا نقوم بأنصاف الحلول بل نقوم بالحلول الحاسمة، وما نقوم به يكفى مصر لـ 10 و 15 سنة".

ووجه السيسي رسالته للمفكرين والمثقفين والإعلاميين، قائلًا:" لما تتصدى للموضوع  يجب أن تكون على علم ومعرفة وفهم به، فالدولة تعمل منذ 4 سنوات بخطة غير مسبوقة وما تحقق فى عالم الكهرباء والطاقة خيال، فخطوط الغاز لتغذية المحطات تصل تكلفتها لـ 4 مليار جنيه".

الرئيس السيسي لـ"المصريين": "اصبروا.. ولازم ناخد الأمور بجدية ومسئولية"

وطالب الرئيس عبد الفتاح السيسى، المصريين بالصبر والتحمل، قائلًا :"محدش يقدر أبدأ يحبطنا، وكل المطلوب اصبروا وسترون العجب العجاب فى مصر، لأنى مش بعرف أعمل حاجة نص ونص.. ناخد الأمور بجدية ومسئولية وإصرار وتحمل".

السيسي عن مطالب إقالة وزير الكهرباء قبل 3 سنوات: "الراجل بيقف جنب رجالته"

وأشاد الرئيس عبدالفتاح السيسي، بجهود وزارة الكهرباء فى حل مشكلة الطاقة التى شهدتها مصر قبل 3 سنوات، قائلا: "من 3 سنوات وأكتر كان فيه مشكلة كهرباء فى مصر، كانوا بيقولوا شيل الدكتور شاكر من الوزارة، ياخد المشكلة ويبقى ضحينا بواحد،.. ده كلام عجيب ولا يليق بالشرفاء واللى بيفهموا".

وأضاف الرئيس السيسي، فى افتتاح مشروعات توليد الطاقة، "يبقى معايا إنسان عظيم ومحترم وفاهم شغله وعارف مساره وعلشان مشكلة لسه بنعالجها أقوم اضحى بيه علشان أعيش.. دا كلام لا يليق بالرجال.. والراجل بيقف جنب رجالته ما دام هما رجال حقيقيين، يقف جنبهم ويساعدهم".

السيسى: قسما بالله لو الموضوع وجبة يوميا لبناء أمة لأقعد عمرى أكل وجبة واحدة

كما أشاد الرئيس، بدور وزارة البترول فى حل أزمات قطاع الكهرباء، مشيرا إلى دورها فى توفير الغاز ومشتقات المازوت فى تشغيل محطات توليد الكهرباء.

وتابع الرئيس، خلال كلمته :"فى موضوعات موجودة فى مصر مش متظبطة من زمان لظروف مصر، وزارة البترول كانت بتستلف عشان تجيب البترول لتشغيل محطات الكهرباء، فى حاجة بتتعمل ببلاش؟".

واستمر: " فى دول كتير أوى معندهاش خمس الطاقة الكهربائية اللي كانت موجودة عندنا فى 2013، مافيش حاجة ببلاش، أرجو إنها تكون حاضرة لكل اللى بيسمعونى، وزراء ونواب ومسئولين".

وأضاف: "قيادة الدولة فيها 100 مليون، دا موضوع مش بيتحل بالأكل والشرب، قسما بالله لو كان الموضوع وجبة واحدة فى اليوم لبناء أمة أقسم بالله لأقعد بقية عمرى كله أكل وجبة واحدة".

السيسى: "سيمنز" قدمت خدمة كبيرة لمصر.. ولم تستغل احتياجنا للطاقة

وأكد الرئيس السيسي، أن شركة سيمنز الألمانية لم تستغل ظروف مصر واحتياجها للطاقة فى تحقيق صفقات وتحقيق عائد أعلى، مؤكدا أن الشركة قدمت خدمة كبيرة، لأن العائد الذى حققته من المحطات ليس كبيرا مقارنة بالأسعار العالمية.

وخلال جولته، حرص الرئيس عبدالفتاح السيسي، على مصافحة العمال والمهنسدين بمحطة الكهرباء العملاقة بالعاصمة الإدارية الجديدة.