الغردقة رايح جاى.. عالعجلة ريمون وصاحبه سافروا من القاهرة فى 3 أيام

رحلة ريمون وصديقه إلى الغردقة بالعجلة

كتبت شيماء سمير

الإثنين، 30 يوليو 2018 09:00 م

لم يتجاوزا عامهما الثامن عشر، ولكنهما عشقا ركوب العجل منذ نعومة أظافرهما، فاتخذا منه هواية ثم وسيلة للمواصلات، إلى أن قررا السفر به العام الماضى، الأمر الذى قابله الأهل بالرفض، ولكنهما أصرا على تحقيق حلمهما وهذا ما تمكنا منه منذ أيام قليلة، هذه ببساطة قصة الصديقين ريمون سمير وتادروس إدوارد.

رحلة ريمون وصديقه إلى الغردقة بالعجلة

"إحنا فى تانية ثانوى وبنحب السفر والمغامرة والعجل وكان نفسنا نسافر أماكن بعيدة بيه، وبنستخدمه من 2014 كوسيلة مواصلات، وبعدها بقينا نروح بيه مسافات كبيرة، لحد ما قررنا نسافر بيه وحققنا الحلم" هكذا تحدث ريمون لـ "اليوم السابع" عن رحلته إلى الغردقة بالعجلة.

رحلة ريمون وصديقه إلى الغردقة بالعجلة

يشعر الأهل بالخوف على أبنائهم طوال الوقت، الأمر الذى قد يدفعهم لرفض أى فكرة غير مألوفة، وبالتالى قتل طموح الكثير منهم، ومنعهم من تحقيق الأحلام البسيطة التى قد يراها البعض غير مهمة، ولكنها تكون كبيرة بالنسبة للأبناء، هذا ما حدث بالفعل مع ريمون وتادروس، حسب حديثهما، حيث رفض الأهل فكرة سفرهما بالعجلة خوفًا عليهما، ولكنهما استطاعا اقناعهم بالفكرة بعد فترة من الزمن، فسافرا إلى السخنة والإسماعيلية والفيوم والسويس، ورغم بعد المسافة، إلا أن تلك الأماكن تعد قريبة نوعًا ما، إلى أن قررا زيادة المسافة والسفر إلى الغردقة، ليواجها موجة كبيرة من رفض الأهل خوفًا من خطورة الطريق عليهما، ولكنهم رضخوا لطلبهم فى النهاية أمام حماس الشباب.

رحلة ريمون وصديقه إلى الغردقة بالعجلة

يحكى ريمون عن رحلته وصديقه قائلًا: "قعدنا نحوش من شهر 4 ونشترى الحاجات اللى هنحتاجها من أول الخيمة وقطع غيار العجلة وعملنا ترخيص عشان نقدر نخيم فى الطريق، لحد ما وصلنا لساعة الصفر يوم 15 يوليو وسافرنا الساعة 1 صباحًا".

حسابات دقيقة تعتمد على الرياح ودرجة الحرارة، وتفكير دقيق فى الموعد المناسب الذى يمكن القيام فيه بهذه الرحلة تلك التى قام بها الشابان، وثلاثة أيام هى المدة التى قضاها فى الطريق حتى وصلا إلى الغردقة، فبعد ثمان ساعات من قيادة العجل على طريق مليء بالانحدارات مع حمولة ثقيلة وجدا أنفسهما فى العين السخنة، التى كانت بمثابة المحطة الأولى لرحلتهما، ولحظات من اليأس عاشاها بعد أن شعرا بعدم ثقة وإحباط فى قدرتهما على اتمام حلمهما بالوصول إلى الغردقة وأن الأمر مرهق أكثر مما اعتقدا.

رحلة ريمون وصديقه إلى الغردقة بالعجلة

ويضيف ريمون: "دير الأنبا بولا كان أول مكان نستريح فيه بجد.. نمنا وكلنا واتحركنا تانى يوم، وقابلنا صعوبات كتير لأننا فى وسط زحمة التفاصيل نسينا المحفظة فى محل كنا بناكل فيه وكان فيها كل حاجة، بس الحمد لله رجعنا لقيناها، كمان نسينا ناخد مياه كفاية وكنا هنموت من العطش بس ربنا كان دايمًا معانا ووقفت لنا عربيات وجمعنا مياه أكتر من اللى محتاجينها لحد ما وصلنا الغردقة".

رحلة ريمون وصديقه إلى الغردقة بالعجلة

واختتم حديثه قائلًا: "‎أحلى حاجة فى الدنيا لما حد يقولى مش هتقدر ومستحيل وآجى أعمل المستحيل ده.. ساعتها بتحس إنك فخور بنفسك وعندك ثقة فى قدراتك، وإحنا كان هدفنا نلفت النظر للرياضات الفردية عشان الكل يهتم بيها، ونبعد عن كرة القدم شوية".