أب يستغيث بوزارة الصحة لعلاج ابنه المصاب بضمور العظام

أرسل والد الطفل فهمى عبد الفتاح عدس، البالغ من العمر 4 سنوات، من منشأة زعلوك الكوم الكبير مركز دسوق بمحافظة كفر الشيخ، استغاثة لوزارة الصحة لعلاج ابنه المصاب بضمور العظام.

ويقول والد الطفل فى رسالته لصحافة المواطن: "محمد عنده ضمور فى العظام، رحت به مستشفى الشاطبى في الإسكندرية وعملت رسم عظام، وقالولى ابنك عنده ضمور عظام ومحتاج علاج طبيعى، قعدت أعمل علاج طبيعى أكتر من سنتين مفيش جديد، والشهر بـ1600 جنيه، وعرفت إن فيه دكتور فى القاهرة بيعمل عملية زرع نخاع وخلايا عصبية، رحت للدكتور ده وقالى هناخد من الأم، وسألته عن نسبة نجاح العملية وقالى 52%، عملت العملية أخذ من الأم 6 مرات من الظهر، وطبعا العملية مانجحتش".

الطفل محمد فهمى

محمد فهمى 

الطفل محمد

تقرير طبى للطفل

تقرير طبى

وأضاف والد الطفل: "العملية اتكلفت 100 ألف جنيه واتحجز فى العناية المركزة فى مستشفى التعليمى بدمنهور أكتر من 5 مرات، وهو عندة سنتين بعد كدة رحت مستشفى كفر الشيخ، بقالى سنة فى كفر الشيخ، والدكتورة قالتلى لازم تجيب لمحمد ابنك جهاز تنفس وجهاز شفط بلغم من على الصدر، جبت الجهازين فى البيت، بس دلوقتى مش قادر على مصاريف العلاج لأنى راجل عاجز، نفسى بس ابنى يتعالج ويخف ويبقى زى بقية الأطفال اللى فى سنّه"، وناشد القارئ وزراة الصحة الاهتمام بحالة ابنه ومحاولة علاجه على نفقة الدولة.

للتواصل مع الحالة: 01062131051

شاركونا فى تحرير المواد الصحفية بإرسال الصور والفيديوهات والأخبار الموثقة لنشرها بالموقع والجريدة المطبوعة، عبر خدمة "واتس آب اليوم السابع" برقم 01280003799، أو عبر البريد الإلكترونى send@youm7.com، أو عبر رسائل "فيس بوك"، على أن تُنْشَر الأخبار المُصَوَّرَة والفيديوهات باسم القُرّاء.