إبراهيم سعيد يسأل عن دور رمزى بالمنتخب فى وجود سلجادو.. وميدو: الكرة اتغيرت

تساءل إبراهيم سعيد، نجم المنتخب والأهلى والزمالك السابق، عن دور هانى رمزى فى المنتخب المصرى خلال الفترة المقبلة، خاصة بعد انضمام سلجادو لجهاز المنتخب مساعداً للمدير الفنى الجديد "أجيرى".

وقال إبراهيم سعيد، "انضمام سلجادو مساعدا لأجيرة إضافة للمنتخب المصرى، ولكن المشكله كابتن هانى رمزى ما هو دوره الفترة المقبلة؟".

ورد أحمد حسام ميدو، مدرب نادى وادى دجلة السابق، على إبراهيم سعيد قائلا، "الكرة اتغيرت يا إبراهيم دلوقتى مفيش حاجة اسمها مدرب عام ومدرب مساعد، المدرب بيبقى ليه أكثر من مساعد بدون ترتيب، والمدرب هو المسئول عن مهام كل مساعد، على سبيل المثال جوارديولا عنده 4 مساعدين بدون ترتيب، ولويس إنريكى فى منتخب إسبانيا لديه  3 مساعدين بدون ترتيب، المدير الفنى هو المسئول عن تنظيم جهازه وتقسيم المهام بحيث كل مساعد يقوم بعمله دون التدخل في مهام المساعد الآخر".

فيما عقب إبراهيم سعيد على ميدو معلنًا تخوفه من التجربة فى مصر، "معاك يا عالمى والله عارف بس أنت عارف الكلام ده مش بينفع فى مصر، يعنى لو لقى نفسه ملوش دور فى الجهاز هيحصل مشاكل، وأنت عارف، خصوصا لما يكون ليه اسم ويبقى دوره محدود فى الجهاز مجرد موجود بس وبيقعد على الدكه مع الجهاز مش أكتر".

وأكد ميدو أن مهمة تحديد المسئوليات تقع على عاتق المدير الفنى، قائلا، "خالص يعنى على سبيل المثال كوبر كان مقسم المهام ما بين محمود فايز اللى ماكانش مترجم زى مالناس فاهمة وما بين ميراندا وما بين أسامه نبيه، وطول ما فى تفاهم والمدير الفنى قوى الشخصية مفيش أى مشاكل ممكن تظهر.. المهم هو تحديد المهام من أول يوم".