الفنانة بدرية طلبة تحكى تجربتها مع التنمر

كشفت الفنانة بدرية طلبة أنها تعرضت للتنمر قبل شهرتها، حيث كانت مريضة بالغدة ما يسبب له نقص الوزن وجحوظ العينين وشلل رعاش وعدم توازن، وجعلها تفقد توازنها على المسرح، حتى اتهمها أحد الجمهور بتعاطى مواد مخدرة.

وقالت بدرية طلبة عن حكايتها مع التنمر، "حصلى فعلا كنت مريضة بالغدة ومكنتش أعرف اللى بيحصلى ده من أعراضها كانت مخلية وزنى 45 كيلو وجاحظة عينى ومسببة لى زى شلل رعاش وعدم توازن وكنت على المسرح ووقعت".

وأضافت بدرية طلبة، "وأنا بحاول أقوم سمعت واحد فى الصف الأول بيقول البنت دى بتشم، خلانى أدمرت نفسياً، لأنى أصلا مش مدخنة، وممنوع أتواجد فى مكان فيه دخان لأنى مريضة صدر، وعلشان كلامه الجارح ربنا أكرمنى بدكتور وأستأصل الغدة اللى كانت خبيثة".

وتابعت بدرية، "الدكتور قالى رجوعى لحالتى الصحية ولوزنى وشكلى الطبيعى حياخد سنين بعد العملية، كنت كل ما أشوف حد بيتكلم ويبص عليا أفكر أنه بيقول نفس الكلام الجارح لحد ماشوفت فيلم آسف على الإزعاج اللى غير مجرى حياتى وخلانى أفترض حسن النية فى اللى بيتكلم أو بيبص لى، وفعلا كان ربنا أكرمنى واتعرفت والناس بيتكلموا على طعامتى وخفة دمى".

وأضافت بدرية طلبة، "وكان ربنا أكرمنى وجبت مكياج داريت الهالات السودة وحبيت عيبى وحبيت الهالات السودة وهى حبتنى وتعايشنا مع بعض، وحمدت ربنا أنه أكرمنى بعيب بقدر أداريه بالمكياج، اللى بيقوله أحمد حلمى مهم أوعى تدوس على جرح حد وتعايره بأى عيب فيه حرام حرام حرام تسلم يابرنس".

بوست بدرية طلبة

على الرغم من شهرتها كفنانة وكونها طفلة وشاركت فى العديد من الأعمال السينمائية، إلا أن ذلك لم يمنعها من التمر، حيث كشفت الفنان جنا عمرو أنها تعرضت للتنمر من قبل بعض الأفراد، موضحة أن الإنسان الذى يتعمد إيذاء الآخرين بالكلام شخص مريض، ويجب ألا يسبب ذلك فقدان الثقة فى النفس.

وقالت الفنانة جنا عمرو، فى رسالتها للفنان أحمد حلمى الذى يشارك فى حملة "أنا ضد التنمر" بالتعاون مع اليونسيف، "الفنان الإنسان أحمد حلمى بحبك جداً لأنك إنسان قبل ما تكون فنان محبوب وخاصة للأطفال، والرسالة اللى حضرتك قولتها مهمة أوى ونفسى كل طفل ولد أو بنت بيتعرض للتنمر يسمعها، ومش معنى إن حد يتعرض للتنمر أنه يكون عنده نقص فى حاجة أو أقل من غيره".

وأضافت جنا، "أنا كمان اتعرضت للتنمر، يعنى الشهرة ما منعتش ده علشان كدا بقولكم إن الغلط مش فيكم لا الغلط فاللى بيتعمد يأذيكم بالكلام واوعوا تفقدوا الثقة فى نفسكم وفى قدراتكم #لا_للتنمر#أنا_ضد_التنمر".

وشارك عدد من نجوم الفن ضمن لحملة "ضد التنمر" التى أطلقتها المنظمة العالمية اليونسيف، وتحدثوا عن تجاربهم مع"التنمر" ومنهم أحمد حلمى ومنى زكى والمخرج عمرو سلامة ويسرا وآسر ياسين ولارا إسكندر.