خالد عليش مابقاش معاك فى السكة.. اعرف السبب

نجاح كبير حققه المذيعة خالد عليش لسنوات طويلة من خلال برنامج "معاك فى السكة" عبر إذاعة نجوم إف إم، ورغم ذلك توقف البرنامج منذ فترة ليسـأل الجمهور عن سبب غياب عليش.

خالد عليش أوضح حقيقة وقف البرنامج من خلال بوست على "فيس بوك"، وكتب خالد "لكل اللى بيسأل واللى مهتم واللي مش مهتم.. انا ليه مش في نجوم اف ام السنة دى.. للأسف وببالغ الحزن و الأسى مش هكون ضمن فريق نجوم اف أم السنة دى يعنى مفيش معاك فى السكة ولا موقف ولا هلى فى 2019"

خالد على فيس بوك

وتابع عليش "أسباب كتير هى السبب في القرار ده منها الميعاد الصعب جدا وخصوصا اني بشتغل حاجات تانية منها اني بمثل وغيره .. بس اللي يعرفني كويس في الشغل يعرف اني بحب التجديد دايما و محبش اقف عند مرحلة معينة من النجاح و خلاص"

واستطرد، نجاحى فى نجوم اف ام مكانش معتمد عليا انا بس، بالعكس انا كنت جزء صغير جدا من منظومة اتشرفت انى اشتغلت معاهم من أصغر شخص لأكبر شخص .. و لآخر لحظة علاقتنا زى الفل يعني مش ماشي بمشكلة ولا حصلت خناقة عشان الإشاعات المغرضة  وكان من اهم أحلامى اللي عافرت كتير عشان أوصله انى اشتغل مذيع في نجوم اف ام "

وأختتم "انا سايبلكم خالد جواد مكانى عشان الوحيد اللي لقيته اسمه خالد ربنا معاه ان شاء الله ونجوم اف ام كلها في ضهره .. انا اسف لكل اللي اتعودو يروحوا على البرنامج و لكل اللي مزاجه بيظبط مع الهلي بس هي سنة الحياة التغيير .. مش عايز حد يزعل و عايزيكم تقفوا معايا في خطواتي اللي جاية و بلاش عبارات ليه يا معلم تعمل كده ده انتا كنت مكسر الدنيا و لا بصات الشفقة عشان انا فيا اللي مكفيني .. انتظروا تفاصيل اكتر عن المشروع الاذاعي القادم في الايام الجاية.