فيديو.. لانجيرى رانيا يوسف مغرق أسواق العتبة.. والستات: مينفعش يتلبس إلا فى البيت

بعدما أحدث فستان الفنانة رانيا يوسف ضجته، انتشر مؤخرا في الأسواق الشعبية وتداول رواد مواقع التواصل الاجتماعي صورة يظهر خلالها نسخة طبق الأصل من فستانها الأسود "الشبيكة" معروض على "مانيكان" ومرفق به صورة رانيا يوسف وهي مرتدية ذات الفستان بمهرجان القاهرة السينمائي بدورته ال 40 ..

اليوم السابع تجول في أسواق وسط البلد وخصوصا منطقة "العتبة" وبالفعل كان للفستان تواجد كبير في المحلات المختلفة والخاصة ببيع الملابس الحريمي ، وبأسعار متباينة تبعا لنوعية القماش المستخدم في صناعته وجودته والبطانة.

أمام أحد المحلات الموجودة بمنطقة العتبة قال وائل "اتفضلي يا أستاذة .. عندنا حاجات جديدة و فستان رانيا يوسف لسه نازل أهه " ، تحدثنا معه عن السعر والإقبال على شراء الفستان فقال : الفستان موجود عندي من أيام قليلة و عندي منه نوعين نوع ب "لمعة" زي اللي رانيا لبسته و دا ب 190 و واحد من غير "لمعه" و دا ب 120 ودلوقتي بعض الناس بتيجي تسأل علي الفستان بالاسم و خصوصا بعد الصور اللي انتشرت علي النت إنه موجود في السوق.

فيما أكد بائع آخر أن الفستان انتشر في الأسواق في أولي أيام العام الجديد و أيضا اختلفت أسعاره قائلا : الفستان بدأ يظهر بالظبط أول يوم في السنة الجديدة و أسعاره بتبدأ من 100 جنيه حتي 250 و الطلب عليه مستمر كان خلص من عندي بالمناسبة و جيبت تاني لما الناس سألت عليه .

و عن رأي السيدات في وجود الفستان في الأسواق قالت "ربة منزل" : أنا أول مره أشوف الفستان على الطبيعة شوفناه في التيلفزيون بس، والصراحة هو فعلا ماينفعش يتلبس إلا في البيت ! غير كدة لا .