حسن بلبل لمذيعى الإخوان: "سيبكم من الشغلانة دى وافتحوا قنوات أغانى شعبية"

تهكم النجم الساخر "حسن بلبل" من مذيعى قنوات المحرضة التابعة لجماعة الإخوان الإرهابية، بسبب فشلهم فى الدعوة للتظاهر وعدم استجابة المصريين لمطالبهم، داعيًا إياهم لتغيير نشاط القنوات التابعة لهم وتحويلها على قنوات للغناء الشعبى، قائلا: " نصيحة منى ليكم سيبكم من القنوات دى والحاجات دى مادام انتوا مش قدها وافتحوا قنوات تانية حلوة زى المولد والشعبيات".

وسخر الفنان فى مقطع فيديو عبر حسابه الرسمى بموقع التواصل الاجتماعى "فيس بوك"، من مذيعى القنوات بسبب مقالب المصريين وتهكمهم عليهم خلال الاتصالات الهاتفية، متابعا: "انتو مبتعرفوش تعملوا أى حاجة يا متخلفين غير إنكم تضّربوا على قفاكم وكلامكم الأهبل اللى بتسخنوا بيه الناس وفى الآخر محدش بيسمع كلامكم الناس دى صعبانة عليا أقسم بالله".

وشدد "بلبل" على أهمية محاسبة الخونة ومن يمولهم فى مصر قائلا: "كل مذيع بياخد كام ألف دولار فى الشهر علشان يسخن ويولع الدنيا وفى الأخر تيجي على الفاضى، كل ده هيبقى حسابكم عسير فى مصر ومع ولاد الكلب اللي بيحاسبوكم بالدولار هتدفع هنا وهنا وهتشيل المشاريب كلها".