برة الملعب.. دينا عبد المقصود بطلة كمال الأجسام: بحب الموتوسيكلات والتونة بالتفاح

بعيداً عن الرياضة وملاعبها وصالات المنافسات، هناك جانب آخر فى حياة اللاعبات على صعيد الألعاب الفردية أو الجماعية، هذا الجانب تتجرد فيه اللاعبات من البطولات والألقاب التى تحققها، ويظهر فيه اهتمامهن بحياتهن الشخصية وهواياتهن.

دينا عبد المقصود 3

نجمة اليوم هى دينا عبد المقصود بطلة كمال الأجسام المحترفة فى أوكرانيا، والتى كان معها الحوار التالى :

هوايتك المفضلة بعيدا عن الرياضة؟

هوايتى المفضلة هى ركوب الدراجات النارية.

دينا بطلة كمال الاجسام

ما الأكلة التى تتميزين فى ظبخها؟

ولا حاجة خالص، مش بعرف أطبخ أصلا لكن بعمل تونه بالفاكهة، أجيب التفاح على التونة والرمان.

من نجمك المفضل؟

لا يوجد نجم محدد، لكن أنا بحب ذا روك البطل العالمى.

دينا عبد المقصود

من مطربك المفضل ؟

أنا بحب أغنية معينة مش مطرب محدد، يعنى أغنية تعجبنى، لكن مفيش مطرب محدد بالنسبة لى.

لو لم تكونين لاعبة كنتى تتمنى تكونى إيه ؟

وجهة نظرى أنى لو لم أكن فى الرياضة، كان ممكن أكون ممثلة جدا.

دينا عبد المقصود

لما تتعاكسى فى الشارع .. إيه بيكون رد فعلك ؟

بيكون ردى هو التجاهل، لأن اللى بيعمل كده أفراد لا يمكن الرد عليهم ولا يستحقون الرد.

مين من نجمات السينما كنتى تتمنى تكونى مثلها ؟

مش فنانة، لأنى بحب جدا ذا روك فنان شامل ورياضى وكل حاجة.

دينا بالسيارة

بتحبى الملابس الكاجوال ولا الفورمال ؟

حسب المناسبة يعنى كل وقت له اللبس المناسب له، ولو فى اليوم العادى ملابس كاجوال ولو فى مناسبة ليلية أو حفل بيكون الفورمال، وهذا ما يحدد نوع الملابس التى يتم ارتداؤها.

تتمنى الزواج من رجل رياضى أم غير رياضى ؟

المهم إنه يكون إنسان ناجح، مش شرط يكون رياضى لأنه لو مش رياضى أنا هخليه رياضى فالموضوع ليس مستحيلا.