رسائل الرئيس خلال افتتاحه مصنع الغازات الطبية بالجيزة: لا بد من مساهمة المصريين بشركات القوات المسلحة وطرحها فى البورصة.. كل المؤسسات معنية بالدفاع عن الدولة.. وهنفتتح مشاريعنا على طول.. و"اللى يزعل يتفلق"

 لـ"النواب": لا تتركوا الدولة تقاتل بمفردها..كل المؤسسات معنية بالدفاع

شهد الرئيس عبد الفتاح السيسى، صباح اليوم الخميس، فعاليات افتتاح مصنع الغازات الطبية والصناعية رقم 3، التابع لشركة النصر للكيماويات الوسيطة، بمنطقة أبورواش فى محافظة الجيزة.

وقدم الرئيس السيسي، الشكر للقائمين على شركة النصر للكيماويات والجهد المبذول فى إنجاح وإخراج المصنعين الخاصين بالغازات الطبية والصناعية، قائلا: "اشكر الناس على المصنعين والجهد المبذول وأقول لكل من شارك فى إنجاح وإخراح المصنعين فى أقصر وقت، كل الشكر والتقدير ليكم".

وقال الرئيس السيسي خلال تفقده شركة النصر للكيماويات الوسيطة بمنطقة ابورواش فى الجيزة، اليوم الخميس: "المهم نعرف إن القوات المسلحة تقوم بالدور ده مش على حساب القطاع الخاص والدور المدنى، لكن ده بالمشاركة معاه، وكل القطاع المدنى اللى شغال فى مصانع القوات المسلحة وفيه بعض منها منتجات استراتيجية غير مسموح لينا فى مصر إنها تتأثر أو تبقى مش موجودة أو تتوقف لأى مبرر لأنها حساسة جدا وضرورية جدا ومنتجات استراتيجية مهمة زى مياه الشرب والغازات الطبية، والقطاع الخاص مرحب بيه للشراكة فى كل اللى احنا بنقول عليه".

لابد من فتح الباب أمام المصريين للمشاركة فى شركات القوات المسلحة

وشدد على أهمية فتح الباب للشعب المصرى للمساهمة والمشاركة فى شركات القوات المسلحة من خلال طرح هذه الشركات فى البورصة.

وقال الرئيس السيسي،: "قلنا إن الأطروحات اللى الدولة المصرية بتجهزها للبورصة لابد يكون فرصة منها لشركات القوات المسلحة، ويبقى فيه فرصة للمصريين إن يبقا ليهم أسهم فى هذه لشركات وبالطريقة دى يبقى فتحنا باب المشاركة للشعب المصرى والمجتمع، وبقول إن فرص نجاحها كويسة، والقطاع الخاص مرحب بيه، وده كلام مش بنقوله سياسة ولكن كلام حقيقى".

الشعب المصرى واع ومنتبه للشائعات.. وعلى الإعلام دور كبير

وأكد الرئيس عبد الفتاح السيسى، على ضرورة وعى الشعب المصرى فى مواجهة الشائعات، قائلًا:" أوعى حد يأثر عليكم ويتشكك.. دى حالة بقالها 80 سنة من عدم اليقين ومحاولة التفرقة بين الناس وبعضها، ودى حالة هتفضل موجودة ويجب أن نتعامل معها ولا نتأثر ولا نتشكك فى أنفسنا".

وقال رئيس الجمهورية :" اللى بيتعمل من مشروعات من فضل ربنا علينا وعلينا أن نتقدم أكثر ونفهم أنهم فى حالة عداء مستمرة ولن تنتهى.. وعاوزين تقولوا أهل إفك أو شر قولوا.. وبقول عشان كل مصرى يعمل ويتحرك أكثر ولا يهتز".

وعن دور الإعلام، قال الرئيس: "الشعب المصرى واع ومنتبه لكل ذلك ونحن نؤكد فى كل مناسبة لنا ولأنفسنا والإعلام له دور كبير.. دى حرب إعلامية وشائعات ومواقع تواصل اجتماعى ضد حالة الوعى التى تتشكل يوما بعد يوم وبإيجابية لدى المصريين.. نزود ونكثف ونتكلم كثير بحقائق ولا نترك فرصة وفراغ لأحد أن يتدخل، وكل يوم طرح فى كل المسائل وهذه هى الحكاية التى نعانيها".

وواصل: "حالة التشكيك فى كل شيء حالة مرتبطة بمنهج لديهم محاولات التشكيك مستمرة طول الوقت والشعب المصرى واعي، ومؤسسات الدولة دائما حاضرة فى مواجهة اى تحرك او شائعات".

لـ"النواب": لا تتركوا الدولة تقاتل بمفردها..كل المؤسسات معنية بالدفاع

وقال الرئيس عبد الفتاح السيسى، فى رسالة لأعضاء البرلمان، لمواجهة الشائعات،:"نواب الشعب عليهم مسئولية وكل أمر محل تشكك لازم يتصدوا ويعملوا لجان ويعملوا تقارير ويعلنوها للناس ولو فيه قصور من الدولة يعلنوه ويوضحوا الحقائق للناس وهذا ليس توجيه لأحد".

النائب العام حارس وحامى الشعب المصرى

وأضاف رئيس الجمهورية،: "النائب العام حارس وحامى الشعب المصرى.. ومن فضلك المسارات التى كانت فى السابق كانت تتوافق مع ظروفنا فى الخمسين والستين عامًا الماضية ولكن جد جديد فى التطور لسوائل التواصل الاجتماعى والحرب التى تواجه الدولة.. وأنتم كمؤسسات مسئولين عن حماية الدولة لصالح الدولة وليس لصالح النظام.. عشان كل موضوع تروا أنه محتاج يتحقق فيه حققوا.. ويجب على اللجان التصدى للاتهامات ومش هنزعل والمفروض منزعلش.. والكلام ليا وللحكومة.. طالما فيه اتهام أو إساءة يبقى الاتهام صحيح أو مش صحيح، وهنا البرلمان يفصل بلجانه المختلفة ويعلنوا النتائج بتاعته.. وهذا ليس توجيهًا وأتحدث مع أنفسنا وحتى يسمع المصريين، وعشان مؤسسات الدولة لا تتألم من ذلك وخاصة لما يتعمل استجواب لمسئول ما ياخدش الأمور بحساسية وقد نخطيء ونصيب، ولكن علينا التحدث بموضعية وحقائق مهما كانت البيانات صعبة".

وواصل: "لا تتركوا الدولة تقاتل بمفردها.. كل المؤسسات معنية بالدفاع عن الدولة المصرية وإلا هيبقى فيه خطر ودا فراغ يجب ألا يترك.. البرلمان مؤسسة كبيرة وعليه القيام بدور أكبر لأن التحدى أكبر..  الظروف قبل 2011 كانت مختلفة، لكن الآن لازم تضافر مؤسسات الدولة بالكامل للحقيقة ولا نطلب أكثر من ذلك".

"هنفتتح كل مشاريعنا على طول.. واللى يزعل يتفلق"

وجه الرئيس عبد الفتاح السيسى، الشكر للقائمين على المشاريع القومية المختلفة، مضيفًا :"هنشتغل، وفيه افتتاح كثيرة الفترة الماضية.. وهنفتتح كل مشاريعنا على طول .. طيب واللى هيزعل!.. يتفلق".

وأضاف رئيس الجمهورية :"مش هانسيبهم يؤذوا الروح المعنوية للمصريين ويخوفوهم.. اقفوا لأجل خاطر بلدكم وأبناءكم وأحفادكم وواجهوا مش لصالح حد لاجل خاطر ربنا والحق وأولادنا وأحفادنا محدش يكسر ويشككهم.. وارجوا أن إحنا نبقى منتبيهن للى بيحصل فى المنطقة كلها".