اعترافات متهم بترويج "الحشيش" بالزاوية الحمراء: "كان نفسى أبقى معلم كبير"

"من صغرى وأنا كل تفكيرى إنى أبقى معلم كبير الناس تعمله حساب وتخاف منه، ويبقى ليا رجالة أشغلها معايا زى الأفلام العربى اللى بشوفها فى التليفزيون، بدأت بــ 300 جنيه جبت بيهم حشيش وبعتها، كسبت منها وبعدين جبت بالفلوس كلها حشيش وفضلت كده لحد ما بقيت بجيب كمية كبيرة وأوزعها على الصبيان الصغيرين بس يا خسارة اتقبض عليا، هحاول اتعلم أى شغل شريف أعيش منه عشان مدخلش هنا تانى" بهذه الكلمات، اعترف "على.س" 35 سنة عاطل، أمام النيابة بعد اتهامه بالتورط فى جلب وتوزيع المواد المخدرة فى الزاوية الحمراء.

وكشف المتهم، خلال تحقيقات النيابة العامة، أنه اتخذ من منطقة الزاوية الحمراء مكانا له لترويج المواد المخدرة، مضيفا أنه اتخذ من تجارة المخدرات عملا له لتوفير متطلباته المعيشية، بالإضافة إلى توفير نفقات متطلباته للمواد المخدرة.

وأوضح أن السبب فى تورطه فى تجارة المخدرات، هو رغبته فى الثراء السريع، بالإضافة إلى إدمانه تعاطى الأقراص المخدرة.

بدأت القضية بنجاح رجال الإدارة العامة لمكافحة المواد المخدرة، بالقاهرة فى القبض على "على.س " 35 سنة عاطل، مقيم فى منطقة الزاوية الحمراء، وبحوزته كيلو من مخدر الحشيش بحوزته داخل منزله، قبل ترويجها وتوزيعها على عملائه فى المنطقة، وأكدت المعلومات سابقة اتهامه فى قضايا حيازة واتجار بالمواد المخدرة، فتم تحرير المحضر اللازم بالواقعة، وتولت النيابة العامة التحقيق.