القارئ وجدى عبد العظيم يكتب: رجالة مصر أبطال المنتخب الأوليمبى

رجالة مصر يا شباب رجالة مصر من الشباب

من نصر لنصر الفخر واقف على كل باب ،،،

والله وعملوها الولاد ورفعوا اسم البلاد ،

تصميم وإرادة وعناد ، وهو دا عزم الشباب ،،،

رجالة مصر يا شباب ،،، مستسلموش للهزيمة ، عارفين إن الفشل فى بلادنا جريمة  ،  وأن تى شرت منتخبنا له قدر كبير وقيمة  ،  نزلوا الملعب بكل رجولة لعبوا بكفاءة  واكلوا النجيلة  ،  أحفاد الفراعنة يا سادة ، هم اسود  كالعادة  ليهم الف حساب ،،، رجالة مصر يا شباب ،،، الشعب فرحان بهم ، حفروا فى قلوبنا أسمائهم ، يوم ما مصر تطلب رجال من غير تفكير تنادى عليهم ، وغير كدا يبقى محال ، رجع الأصل للشباب المنتخب الأوليمبى رقم واحد ،  وابقى ابحث عن الأسباب ،،، رجالة مصر يا شباب رجالة مصر من الشباب ،،،