اعترافات عاطل: "صاحبى استدرجنى لسكة المخدرات ومستعد أكفر عن غلطتى"

" صاحبى قال لى تعالى معايا وهتاخد حتة حلوة ليك لوحدك، وهنشتغل مع بعض وهنولعها، الطمع عمى عينى ومشيت وراه من غير ما اخد بالى من نفسى، الكمية اللى كانت معانا أوهمتنى وفكرت إنه خلاص عديت الفقر وبقيت غنى، لحد ما لقيت الحكومة فوق دماغنا بتقبض علينا والحاجة معانا فى شنطة العربية، انا مش صعبان عليا غير امى وأبويا تعبتهم ورايا ومش عارف هيعملوا ايه من غيرى وانا ابنهم الوحيد، غلطت ولازم اتحاسب واكفر عن غلطتى".

ما سبق اعترف به "سيد.س" 34 سنة عاطل، فى تحقيقات النيابة معه على خلفية اتهامه بجلب وتوزيع الحشيش.

وكشف المتهم، فى تحقيقات النيابة، أنه اتخذ من دائرة قسم حدائق القبة مكانا له لترويج تجارته غير المشروعة، بغرض توفير متطلباته المعيشية، وما يتعاطاه من المواد المخدرة وتحقيق الثراء السريع.

بدأت القضية بنجاح رجال الإدارة العامة لمكافحة المواد المخدرة، بالقاهرة فى القبض على "سيد.س" 34 سنة عاطل، مقيم فى الزاوية الحمراء، وبحوزته 64 كيس حشيش، قبل ترويجها على عملائه بالمنطقة.

وكشفت معلومات سابقة جمعها بمعرفة رجال المباحث اتهامه فى قضايا حيازة وترويج المواد المخدرة.. تحرر المحضر اللازم، وأخطرت النيابة العامة، فباشرت التحقيق.