بره الملعب..فايزة حيدر كابتن الكرة النسائية: بحب البامية والرياضة حياتى

بعيداً عن الرياضة وملاعبها وصالات المنافسات، هناك جانب آخر فى حياة اللاعبات على صعيد الألعاب الفردية أو الجماعية، هذا الجانب تتجرد فيه اللاعبات من البطولات والألقاب التى تحققها، ويظهر فيه اهتمامهن بحياتهن الشخصية وهواياتهن.

نجمة اليوم هى فايزة حيدر لاعبة منتخب الكرة النسائية واول مدربة معتمدة من الاتحاد الانجليزى لكرة القدم  ، وكان معها الحوار التالى ..

فايزة و ووسام الجمهورية

ما هوايتك المفضلة بعيدا عن الرياضة؟

 بحب جدا التلوين، أى رسومات بحب ألوانها.

ما الأكلة التى تتميزين فى طبخها؟

 كتير بس أفضل حاجة البامية و الأرز بالشعرية  .

فايزة حيدر

 من نجمك المفضل؟

 كريستيانو رونالدو .

 من مطربك المفضل؟

ماجد المهندس  .

فايزة حيدر وصديقتها

لو لم تكونى لاعبة كنتى تتمنى تكونى إيه؟

لعب كرة القدم كان حلم ، والحمد لله حققته ، يعنى لو كنت مش لاعبة كنت هتمنى أكون لاعبة كرة قدم .

لما تتعاكسى فى الشارع ممكن تستخدمى العنف؟

  لا .. مش بستخدم العنف ، وكأنى مش سامعة حاجة خالص .

سيلفى المرايا

مين من نجمات السينما كنتى تتمنى تكونى مثلها؟

 مش حد محدد، لأنى لم أتخيل نفسى ممثلة أو فنانة حتى أختار .

بتحبى الملابس الكاجوال ولا الفورمال؟

  الكاجوال أكيد بحكم مهنتى فانا مدربة كرة قدم، و قائد منتخب الكرة النسائية.

سيلفى الكابتن

تفضلى الارتباط بشخص رياضى أم غير رياضى؟

رياضى، لأن الشخص الرياضى أو اللى بيمارس رياضة هيكون بيقدر و فاهم الوقت ازاى و التدريب و الماتشات .

 لو طلب منك تسيبى الرياضة هتعملى ايه؟

طبعا لأ .. عمرى ما هسيب الرياضة لأنها حياتى.