اعترافات عاطل بعد القبض عليه: "صاحبى قال لى معايا كمية استروكس عايزين نوزعها"

"روحت مع صاحبي أبات معاه في شقته ونقضي الليلة مع بعض ونقسم الشغل بينا، قال لي جاية كمية استروكس من برة مصر كبيرة وعايزين نوزعها بسرعة ونعمل مصلحة، حاولت استغل معارفي وأصحابي من ولاد الأغنية أبيع ليهم الأقراص المخدرة، كنت هنزل أروح بيتى بس استنيت، نصيبي اتمسك ويتعمل ليا قضية جلب من الخارج، كل ده بسبب غضب أبويا وأمى عليا".. ما سبق اعترف به "أحمد.ج" 30 سنة عاطل، فى تحقيقات النيابة معه على خلفية اتهامه بجلب وتوزيع الأقراص المخدرة والاستروكس.

وكشف المتهم، عن أنه اتخذ من دائرة قسم حدائق القبة مكانًا له لترويج تجارته غير المشروعة، بغرض توفير متطلباته المعيشية، وما يتعاطاه من المواد المخدرة وتحقيق الثراء السريع.

بدأت القضية بنجاح رجال الإدارة العامة لمكافحة المواد المخدرة، بالقاهرة فى القبض على "أحمد.ج" 30 سنة عاطل، مقيم فى حدائق القبة، وبحوزته كمية كبيرة من الأقراص المخدرة المهربة من خارج البلاد بالإضافة إلى 50 ظرف من مخدر الاستروكس، قبل ترويجها على عملائه بالمنطقة.

وكشفت معلومات رجال المباحث عن اتهامه فى قضايا حيازة وترويج المواد المخدرة، وتحرر المحضر اللازم، وأخطرت النيابة العامة، فباشرت التحقيق.