فيديو.. الشاعر إسلام خليل يصدر قصيدة جديدة بعنوان "إرهابى إرهابي " للرد على الجماعات المتطرفة .. ويصف دعم الشعب المصرى للجيش والشرطة بالشهامة والجدعنة .. ويوجه رسالة للإخوان : إرهابكم مش هيخلى مصر فى يوم تخاف

أصدر الشاعر إسلام خليل ، قصية جديدة بعنوان " إرهابى يا إرهابى "  للرد على الجماعات الإرهابية التى تنشر الفتن والإرهاب فى مصر ، وعبر الشاعر فى قصيدته عن مدى حب الشعب المصرى وصموده ضد هذا الإرهاب ، وتكاتفه مع جيش وشرطة ،  بلاده من أجل القضاء على الجماعات الإرهابية التى تمول من الخارج من أجل نشر الإرهاب فى مصر والبلاد المختلفة .

وقال الشاعر فى نص قصيدته الجديدة والتى ينشرها "اليوم السابع" :"إرهابى يا إرهابى، ياعديم الإنتماء، ياللى بتفجر نفسك وبتقتل ابرياء،  مين اللى غسلك مخك ، خالك تقتل فى الناس وفى شرع مين قولنا يا معدوم الاحساس.. ده اللى بيديك الحزام علشان تتفجر بيه ، لو هيدخلك الجنة كان هو يطمع فيه، ضحكوا عليك وقالولك إلى جنة الأبرار ودم الناس البريئة انت هتولع فى النار، وحياة كل الناس اللى ماتوا فى كنيسة أو فى طريق، أنت واللى زيك الدين منكم برئ، يخرب بيتك دماغك على أم اللى مسحهالك ،جنة ايه اللى هتدخلها طول ما الارهاب فى خيالك".

واستكمل الشاعر إسلام خليل فى قصيدته قائلا :" واللى هتسمع كلامهم بإشارة من بعيد ،دول بياعين الفتوى ومنبع التحريض ، بيتخاروا لك الحبسة وهما بيأكلوا كبسة فى حضن تميم ،إرهابكم لا بيخوفنا ولا يوم وسطنا هيعيش ولا فى ولاية هتحصل لا فى سيناء ولا العريش .. دى مصر يا ولاد الهبلة مش عشة الفراخ ".

وتابع قائلا :" واحب أقولكم مش هننكسر وهنحتشد وهننتفض وهننتصر ، ونرد كيد المعتدين وبحبل ربنا العالمين ، ومش هنبطل بناء ولا غناء هنحقق حلمنا والمنى نبدع هنا ونفكر هنا ونزرع هنا ونعمر هنا وايدينا فى ايدين بعضنا ، الجدعنة يعنى مصر والشهامة شعب مصر ، والأصالة والمنارة والحضارة هى مصر أم الدنيا هى مصر اقد الدنيا برضه مصر والجميلة فى كل حاجة والكبيرة هى مصر، إحنا الفراعنة يعنى  قلب من حديد ودماغنا توزن ميت بلد وان حد قرب من ولادنا فى ثوانى يرى مننا الرد الشديد .

واستكمل فى قصيدته :" إرهابكم مش هيخلى مصر فى يوم تخاف، الشعب ياما انتصر والكل شاف ، نموت فدائها علشان تعيش هى بكرامة ، ونصونها حتى لو كلنا فيها اللقمة حاف.