"الشفاعة" محور حديث مصطفى حسنى ببرنامج "كنوز" على ON E

يقدم الداعية الإسلامى مصطفى حسنى، حلقة جديدة مساء اليوم الجمعة، من برنامج "كنوز" عبر قناة  ON E، ويوجه خلالها عدة نصائح للشباب للتقرب من ربهم، فى حلقة عن "الشفاعة".

وقال "حسنى"، خلال برومو الحلقة: "فى زحمة القيامة كل واحد واقف بيفكر فى نفسه، أصوات متداخلة ما بين فرحانة وخايفة، وفى وسط الجموع تلقى ناس وشوشهم منورة وتيجى الملايكة مخصوص تستقبلهم استقبال كبار الشخصيات، وفى مجموعات يمشوا ويستقروا فى أرقى وأفخم مكان طول فترة الحساب".

وأضاف: "من عظمة الجاه واخدين إذن من ربنا ينزلوا أرض المحشر يجيبوا ناس بتعانى وتوقف معاهم، بيفيضوا من خيراتهم فى صورة شفاعة تنقذ ناس كتير من مصائر مؤلمة ومخيفة، وسر غنى الناس دى كنوز جمعوها فى الدنيا ربنا وصاهم بها، كنوز ولو انت جمعتها هتدوق طعم الحياة وتوصل فى الآخرة لمقامات انت نفسك محلمتش بيها".

برنامج "كنوز" يذاع يوم الجمعة من كل أسبوع، فى تمام الساعة الثامنة مساء، على شاشة قناة ON E، ويعاد السبت الساعة الرابعة فجرا.