محمد فتحى زيدان يكتب: الضحكة دى

الضحكه دى بتشعل نارها جوايا

وشعرك ده بيتمايل على هوايا

جبينك ده ينور صبحى ومسايا

وأنا العاشق وأنا الولهان أنا الواقف على بابك

أنا الصابر بدمع العين أنا المشغوف على عذابك

وليه دايما بتبعدنيى  قوليلى بس أسبابك

بنظره عين بتحيينى ساعات فى النار بترمينى

وبُعدك ده على عينى بضحكه رقيقه داوينى

خصامك نار بتكوينى  وحبك تاج  على جبينى

رقيقه انتى لكن قاسيه ياخوفى لا  تكونى ناسيه

وروحى فى محيط حبك على شطك  تكون راسيه

باحبك حب مالو  حدود وفى غيابك تكون موجود

لا تمنعنى جبال وسدود ياريتك بالكرم بتجود

فهل ذنبى إن أنا عاشقك وروحى تمالى بترافقك

ياست الحسن الرحمه غرورك فى الهوى سارقك

أنا زاهد فى محرابك ماليش غيرك حبيب تانى

وقفت سنين على بابك ياخوفى ف لحظه تنسانى

أنا المجنون بأهدابك أنا التائه فى عنوانى