مجدى كامل: ابنى عادل يلعب للإنتاج الحربى.. و"حمودى بركة البيت"

قال الفنان مجدى كامل، إنه يجب اصطحاب الأب لابنه فى كل مكان يذهب إليه، وتابع" نصيحة لكل أب وأم اللى عندهم ابن زى ابنى أحمد، خد ابنك فى أى مكان ومتتكسفش أو تخاف أو تخجل.. بالعكس ده بركة بيتك.. وربنا هيرزقك علشانه.. واشكر ربنا طول الوقت وقول الحمد لله.. لأن الحمد والرضا هيخلى عندك نفس صافية".

وأضاف كامل، خلال حواره مع الفنان شريف منير وابنته أسما، ببرنامج "أنا وبنتى" عبر قناة ON E، أنه يجب زرع الحب بين الأبناء بشكل كبير، وإذا منح الأب شئ لابن يمنح الآخر، مبينا أن نجله عادل يلعب لصالح فريق الإنتاج الحربى، وكان من ناشئى الأهلى ولعب للزمالك عامين، قبل أن يذهب للمقاصة ثم الإنتاج الحربى، قائلا: "كنت بنزل من الساحل الشمالى علشان أوديه التدريب وأمشى تانى".

من جانبه، قالت الفنانة مها أحمد، إن ابنهم عادل يبلغ من العمر 21 عاما، ويحب شقيقة أحمد كثيرا، قائلة "عادل مش بيحلف غير بأحمد".

ودخل الفنان شريف منير، فى نوبة بكاء تأثرا بتعامل مجدى كامل ومها أحمد مع ابنهم أحمد، وقال باكيا: "انت بتقول كلام انت ومها.. أنا عمرى ما اتكلمت معاكم بعمق بالشكل ده رغم إن أعرفكم من زمان، وأنا تعبان لأنى عمرى ما حسيت إن مجدى ومها عندهم الأزمة دى.. وطول الوقت بيضحكوا ومحدش عارف إن عندهم وجع.. ويا بخت حمدى ببابا وماما".