وائل عبد الودود حسين يكتب: معاك يا أهلي

فى وقت انتصاره

فى وقت انكساره

واقفين معاه

فى ليله ونهاره

فى عز ازمته

فى وقت شدته

لا نتخلى عنه

ولا نهرب منه

ماشين معاه

فى طريقه وسكته

احنا ليه سند

احنا معاه للابد

وقت الصعب والجلد

ومدد يا أهلى مدد

مدد لما يعد العدد

فى أوقات الشدة

بيبان معدنك يا أهلي

وفى المواقف الصعبة

ترجع  أقوى تملي

معاك على الحلوة والمرة

النهاردة وامس وبكرة

وفى الدنيا لحد الاخرة

معاك يا أهلى معاك

اوقات كنا بنحلم

ونفرح لما الحلم يتحقق

ولما يجى الوقت ونتألم

نقف من تانى ونفوق

طول عمرك رقم واحد

وطول عمرنا كنا واحد

فى اى وقت ومكان

لازم نبقى كلنا واحد

انت نور لا ينطفي

انت كيان لا تختفي

احنا جمهورك الوفي

معاك للأخر ودا يكفي

اوعاك يا اهلى تحزن

فى وقت الضيقة والمحن

بكره لما ربك يأذن

تبقى أقوى وأحسن

خلاصة الكلام والعبارة

يا ملك الكورة والصدارة

واللعبة الحلوة والاثارة

الروح القتالية والجسارة

اياك تهزك الخسارة

بقلوبنا فزت بجدارة

ومن غير دوشة او صوت

البطل يمرض ولا يموت