وزارة الثقافة تنتج أغنية "انزل وقول صوتك" للمشاركة فى الاستفتاء على الدستور

انتجت وزارة الثقافة ممثلة فى الهيئة العامة لقصور الثقافة، أغنية جديدة، بعنوان "انزل وقول صوتك" لتشجيع الشعب المصرى، على النزول للتصويت فى الاستفتاء على التعديلات الدستورية المقرر أبريل الحالى.

 

وأغنية "انزل وقول صوتك" من كلمات وليد العمدة، وغناء وألحان ياسر فتحى، توزيع محمد مصطفى، إخراج محمد ربيع، وتقول كلمات الأغنية: 

 

 

انزل وقول صوتك وشارك ويانا، ليه ترضى بسكوتك وصوتك ده أمانة.. خلاص اخدنا قرار هنكمل المشوار وهنملى مصر عمار وتصبح فرحانة.. مسلم ومسيحى سامع نبنى كنيسة وجامع ونكبر المصانع وأيديكم ويانا.. نجريلك بالنداء، بكلماتنا أقويا، ويلا على الاستفتاء والدنيا شايفانا.. مهما الدنيا علينا هترقص، برده هنفضل نضحك نقرقص، تفضل مصر قوية طالما أحمد بيخاف على مرقص.. مصر تلاقى مليون ميزة وصورة أحلى من الموناليزا، عيش جواها وأنت تشوف فاطمة بتحب تريزا، حب طاهر، حب نظيف، مع بعضينهم قسموا رغيف، ومهما زاد الحزن علينا برده المصرى أبو دم خفيف، شعبها واحد إيد على إيد رغم انه طيب برده عنيد عنده شهامة وعنده كرامة له عادات وله تقاليد.. الجار بيسال على جاره يطمن يعرف اخباره، وإذا حكاله يوم على سر يصونه ويحفظ أسراره.. وبنكمل جيل وراء جيل، مبنعرفش المستحيل، لازم من تانى نحنلها، لو تشرب من مياة النيل، مصر ميوصفاش كلامى، لو مليون كتاب قدامى، تعيشى يا الدنيا ونحقق احلامك واحلامى يفضل اسمك باهى، واتباهى أنا من الجاهى.. أنت الوطن وانت الأهل، بحبك بحلف والله.. تستحقى انت والله تكونى انتى منارة، أرض العلم والعلماء، تعيشى يا بلد الحضارة.. يلا يا مصرى أصحى فوق، شمسنا واضحة شروق وغروب، يلا إيدينا فى أيد فى بعضنا ندى صوتنا فى الصندوق، ومن الصعيد الجوانى الاقصر بلدى وعنوانى يا مصر يا حلوة الحلوين واللى بناكى حلوانى.