أسامة منير: "الرومانسية زمان أحلى لهذا السبب.. و60% من متابعينى رجال"

قال الإعلامى أسامة منير، إن الرومانسية كانت ذات طعمًا مميزا فى الماضى عن الفترة الحالية، لأن التواصل بين "الحبيبين" كان أبطأ، ولم يكن هناك مواقع للتواصل الاجتماعى، مبينا "كان الواحد بيقعد يحلم ويخطط علشان يوصل لحبيبته وهيقولها ايه لما يشوفها وهيوصلها إزاى".

وأضاف منير، خلال لقائه ببرنامج "أنا وبنتى" الذى يقدمه الفنان شريف منير، وابنته أسما، عبر قناة ON E، أنه كان يتمنى تقديم برنامجه منذ الصغر، مبينًا شكل المشكلات بين الأحبة منذ 15 سنة، موضحًا "زمان كانت المشاكل أكثر رومانسية والمشاكل كانت عاطفية، أما دلوقتى فالمشاكل دخل فيها شكل اجتماعى، والناس مبقتش تتكسف زى زمان".

وأوضح أسامة منير، أن 60% من مستمعين برنامجه الذى يتحدث عن الحب من الرجال، و40% من السيدات، لكن المشاركة من السيدات أكثر، نظرا لخجل الرجال من الظهور والمشاركة والفضفضة بما فى داخلهم من وجع أو خلافه، متابعًا "الست بتوطى صوتها أو بتغيره وهى بتتكلم، أما الراجل لو اتكلم فأصحابه هيبهدلوه".